Apytańnie: 30 pracentaŭ rasijan ličać, što vajnu treba spynić prosta ciapier
U rasparadžeńni «Mieduzy» apynulisia vyniki zakrytaha apytańnia VCIOM (Usierasijskaha centra vyvučeńnia hramadskaj dumki), praviedzienaha ŭ kancy červienia 2022 hoda pa zamovie Administracyi prezidenta RF. Respandentam zadavali pytańnie: «Adny kažuć, što bajavyja dziejańni na Ukrainie treba spynić jak maha chutčej. Inšyja ličać, što bajavyja dziejańni ciapier spyniać nie varta. Jaki punkt hledžańnia vam bližejšy — pieršy ci druhi?»
Z dakumientaŭ, jakija jość u «Mieduzy», vynikaje, što 30% na hetaje pytańnie adkazali, što «bajavyja dziejańni va Ukrainie» treba «spynić jak maha chutčej». Jašče 13% nie zmahli adkazać; 57% apytanych ličać, što vajnu treba praciahvać.
Pa vynikach hetaha ž apytańnia, va ŭzrostavaj hrupie 18-24 hady za spynieńnie vajny vystupajuć 56%, a za praciah — tolki 19%. Siarod rasijan 25—34 hadoŭ zakančeńnie vajny padtrymlivajuć 43%, praciah bajavych dziejańniaŭ — 41%. U cełym, čym starejšyja respandenty, tym bolš jany padtrymlivajuć vajnu. Naprykład, siarod respandentaŭ starejšych za 60 hadoŭ za praciah uvarvańnia vykazalisia 72% apytanych.
U Maskvie i Sankt-Pieciarburhu, miarkujučy pa danych zakrytaha apytańnia, spynieńnia bajavych dziejańniaŭ chočuć kala 40% respandentaŭ, a 48% vystupajuć za ich praciah. Bolš za ŭsio (62%) prychilnikaŭ praciahu bajoŭ — u inšych rasijskich haradach-miljońnikach.
Taksama VCIOM na prośbu Kramla vyvučaŭ zaležnaść padtrymki praciahu vajny i miedyjaspažyvańnia. Siarod «aktyŭnych karystalnikaŭ internetu «za zakančeńnie bajavych dziejańniaŭ vystupajuć 47% respandentaŭ, a 35% — za ich praciah. Zatoje siarod teleaŭdytoryi prychilnikaŭ zaviaršeńnia vajennaha kanfliktu tolki 22%, 68% takich respandentaŭ vystupajuć za jaho praciah.
Adkryta hetyja sacyjałahičnyja źviestki nie publikujucca. Na sajcie centra možna znajści tolki vyniki červieńskaha apytańnia ab tym, ci padtrymlivajuć rasijanie «śpiecapieracyju». Pavodle apublikavanych źviestak centra, «chutčej padtrymlivajuć» vajnu 72% apytanych, «chutčej nie padtrymlivajuć» — 17%, nie mohuć adkazać na pytańnie 11%.
VCIOM — praŭładny sacyjałahičny centr.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary
1. rašyscki impieryjalizm prajaŭlajecca z uzrostam (paśla 35 heta dobra bačna).
2. u maskvie - amal kožny druhi impierac-rašyst. u rehijonach takich 2/3.
3. rašysckaja prapahanda maje bolšy ŭpłyŭ praz tv (asabliva na stałaje pakaleńnie), ale ŭžo taksama achoplivaje i internet aŭdytoryju - 35% jakoj za praciah vajny i źniščeńnia ŭkraincaŭ.
Heta prosta žach jaki tam % chvoraha, zambavanaha nasielnictva!
Kali ničoha nie źmienicca, toje ž samaje čakaje i RB. Prahresiŭnaja moładź źjazdžaje, a rašysckaja prapahanda budzie i nadalej pranikać u našaje hramadstva, tym bolej što miascovyja chałui hetamu paŭsiudna i zaciata spryjajuć…