Апытанне: 30 працэнтаў расіян лічаць, што вайну трэба спыніць проста цяпер
У распараджэнні «Медузы» апынуліся вынікі закрытага апытання ВЦИОМ (Усерасійскага цэнтра вывучэння грамадскай думкі), праведзенага ў канцы чэрвеня 2022 года па замове Адміністрацыі прэзідэнта РФ. Рэспандэнтам задавалі пытанне: «Адны кажуць, што баявыя дзеянні на Украіне трэба спыніць як мага хутчэй. Іншыя лічаць, што баявыя дзеянні цяпер спыняць не варта. Які пункт гледжання вам бліжэйшы — першы ці другі?»
З дакументаў, якія ёсць у «Медузы», вынікае, што 30% на гэтае пытанне адказалі, што «баявыя дзеянні ва Украіне» трэба «спыніць як мага хутчэй». Яшчэ 13% не змаглі адказаць; 57% апытаных лічаць, што вайну трэба працягваць.
Па выніках гэтага ж апытання, ва ўзроставай групе 18-24 гады за спыненне вайны выступаюць 56%, а за працяг — толькі 19%. Сярод расіян 25—34 гадоў заканчэнне вайны падтрымліваюць 43%, працяг баявых дзеянняў — 41%. У цэлым, чым старэйшыя рэспандэнты, тым больш яны падтрымліваюць вайну. Напрыклад, сярод рэспандэнтаў старэйшых за 60 гадоў за працяг уварвання выказаліся 72% апытаных.
У Маскве і Санкт-Пецярбургу, мяркуючы па даных закрытага апытання, спынення баявых дзеянняў хочуць каля 40% рэспандэнтаў, а 48% выступаюць за іх працяг. Больш за ўсё (62%) прыхільнікаў працягу баёў — у іншых расійскіх гарадах-мільённіках.
Таксама ВЦІОМ на просьбу Крамля вывучаў залежнасць падтрымкі працягу вайны і медыяспажывання. Сярод «актыўных карыстальнікаў інтэрнэту «за заканчэнне баявых дзеянняў выступаюць 47% рэспандэнтаў, а 35% — за іх працяг. Затое сярод тэлеаўдыторыі прыхільнікаў завяршэння ваеннага канфлікту толькі 22%, 68% такіх рэспандэнтаў выступаюць за яго працяг.
Адкрыта гэтыя сацыялагічныя звесткі не публікуюцца. На сайце цэнтра можна знайсці толькі вынікі чэрвеньскага апытання аб тым, ці падтрымліваюць расіяне «спецаперацыю». Паводле апублікаваных звестак цэнтра, «хутчэй падтрымліваюць» вайну 72% апытаных, «хутчэй не падтрымліваюць» — 17%, не могуць адказаць на пытанне 11%.
ВЦІОМ — праўладны сацыялагічны цэнтр.
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх5
Каментары
1. рашысцкі імперыялізм праяўляецца з узростам (пасля 35 гэта добра бачна).
2. у маскве - амаль кожны другі імперац-рашыст. у рэгіёнах такіх 2/3.
3. рашысцкая прапаганда мае большы ўплыў праз тв (асабліва на сталае пакаленне), але ўжо таксама ахоплівае і інтэрнэт аўдыторыю - 35% якой за працяг вайны і знішчэння ўкраінцаў.
Гэта проста жах які там % хворага, замбаванага насельніцтва!
Калі нічога не зменіцца, тое ж самае чакае і РБ. Прагрэсіўная моладзь з’язджае, а рашысцкая прапаганда будзе і надалей пранікаць у нашае грамадства, тым болей што мясцовыя халуі гэтаму паўсюдна і зацята спрыяюць…