Žurnalistcy Kaciarynie Andrejevaj prysudzili 8 hadoŭ za «zdradu dziaržavie»
Jaje pryznali vinavataj «u vydačy zamiežnaj dziaržavie, mižnarodnaj albo zamiežnaj arhanizacyi ci ich pradstaŭniku dziaržaŭnych sakretaŭ Respubliki Biełaruś» (č.1 art, 356). Kaciarynu asudzili na vosiem hadoŭ i try miesiacy źniavoleńnia, paviedamlaje Biełsat.
Novy sud nad žurnalistkaj «Biełsata» pačaŭsia 4 lipienia. Joj vystavili abvinavačvańnie pavodle č. 1 art. 356 Kryminalnaha kodeksa («Zdrada dziaržavie»). Joj pahražała ad 7 da 15 hadoŭ źniavoleńnia.
Što kankretna inkryminavałasia žurnalistcy i na asnovie jakich padziej uźnikła abvinavačvańnie — nieviadoma. Advakat Kaciaryny zastajecca pad strohaj padpiskaj ab nierazhałošvańni i nijakich akaličnaściaŭ nie moža raspavieści navat svajakam.
Kaciaryna Andrejeva była zatrymanaja razam z kalehaj Darjaj Čulcovaj 15 listapada 2020 hoda na «Płoščy pieramien» paśla akcyi ŭ pamiać pra Ramana Bandarenku i asudžanaja za strym dla Biełsata da dvuch hadoŭ kałonii. Na volu Kaciaryna pavinna była vyjści ŭ vieraśni hetaha hoda, adnak viasnoj stała viadoma pra novy sud.
Čytajcie taksama:
«U tych, chto raspačaŭ jaje pieraśled, nie była zadavolenaja praha pomsty». Hutarka z mužam žurnalistki Andrejevaj, jakuju ciapier abvinavačvajuć u «zdradzie dziaržavie»
«Pierad snom Kacia źvierchu spuskała da mianie ruku, my trymalisia «za łapku». Sukamiernica napisała ciopłyja ŭspaminy pra Kaciarynu Andrejevu, jakuju sudziać paŭtorna
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio11
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary