Mižnarodnaje rejtynhavaje ahienctva razhladaje vypłaty pa źniešnim doŭhu Biełarusi ŭ rublach jak defołt. Pra heta havorycca ŭ paviedamleńni ahienctva.
29 červienia Minfin Biełarusi abjaviŭ, što vypłaty pa ablihacyjach Belarus-2027 byli praviedzienyja ŭ biełaruskich rublach zhodna z rašeńniem uładaŭ Biełarusi. U toj ža dzień rejtynhavaje ahienctva Fitch papiaredziła, što kali płaciažy pa jeŭraablihacyjach Belarus-27 nie buduć vykananyja ŭ adpaviednaści ź pieršapačatkovymi ŭmovami da 13 lipienia, to heta budzie ličycca defołtam.
12 lipienia Minfin Biełarusi zajaviŭ, što ličyć situacyju fors-mažornaj i vymušany vybirać alternatyŭnyja varyjanty vykanańnia abaviazacielstvaŭ pa jeŭraablihacyjach, a dziejańni Fitch demanstrujuć «subjektyŭny padychod u acency kredytazdolnaści Biełarusi».
Ciapier u abaračeńni znachodziacca piać vypuskaŭ biełaruskich jeŭrabondaŭ na ahulnuju sumu 3,25 miljarda dalaraŭ. Apošnija ablihacyi byli vypuščanyja ŭ červieni 2020 hoda na 5 hadoŭ na 500 miljonaŭ dalaraŭ pad 6,125% i na 10 hadoŭ na 750 miljonaŭ dalaraŭ pad 6,375%.
Kamientary