U Dobrušskim rajonie adbyłosia nadzvyčajnaje zdareńnie: u vioscy Cierachoŭka pahruzčyk sielhaspradpryjemstva zajechaŭ u pryvatny žyły dom, technika paškodziła fasadnuju i bakavuju častki budynka. Bolš za ŭsio dastałasia dziciačamu pakoju, paviedamlaje Navinny partał Dobruščyny.
«Kala šaści hadzin viečara ŭ minułuju sieradu tolki-tolki zabraŭ dziaciej u inšy pakoj, jak pačuŭ niezrazumiełyja huki. Adčyniajem dźviery ŭ pakoj i bačym skroź prałom u ścianie vulicu i častku traktara», — raspavioŭ uładalnik pryvatnaha doma, šmatdzietny baćka.
Pavodle jaho słoŭ, pahruzčyk sielhaspradpryjemstva «Cierachoŭka-Ahra» zajechaŭ u jaho dom, paškodziŭ fasadnuju i bakavuju častki budynka. U pakoi — abłomki cehły i tynkoŭki, paškodžanaja mebla, pierabitaja padvodka hazu, asieŭ dach.
U adździaleńni DAI rajadździeła milicyi paviedamili, što DTZ adbyłosia z-za niaspraŭnaści ŭ traktary sistem hidraŭliki i tarmazoŭ. U dačynieńni da vinavatych składziena niekalki administracyjnych pratakołaŭ, u tym liku i za vypusk na liniju niaspraŭnaj techniki.
Strachavaja kampanija, jakaja afarmlała abaviazkovuju strachoŭku nieruchomaści, u kampiensacyi škody admoviła. Budynak paciarpieŭ pry DTZ, a značyć, jość vinavaty, jaki i niasie adkaznaść. Pytańnie vyrašyłasia b, kali b transpartny srodak byŭ zastrachavanym, ale ŭ hetym prablema. Na pahruzčyk nie było strachoŭki.
«Ździŭlajusia, jak acanić škodu, chto, kali i na jakija srodki adnović dom, — kaža ŭładalnik žylla. — Kali iści pa šlachu sudovaha razboru, praces moža zaciahnucca na miesiacy. A dzieciam, jakich časova adpravili da babuli ŭ viosku, treba naviedvać sadok, hurtki i siekcyi. Žyć ža ŭ paŭrazburanym budynku biez hazu i aciapleńnia z vosieni stanie niemahčyma.
Kiraŭnik sielhaspradpryjemstva Rusłan Sakałoŭ zajaviŭ:
«Adnaŭlać budynak nam, i heta nie abmiarkoŭvajecca. Užo źviazalisia z pradstaŭnikami budaŭničaha tresta №14. U chutkim časie ŭ Cierachoŭku vyjedzie śpiecyjalist, jaki vyznačyć vidy i abjomy rabot, praličyć sumu, nieabchodnuju na ich vytvorčaść. Zatym prystupim da ramontu. Ciapier padšukvajem dla domaŭładalnikaŭ prydatnuju žyłpłošču dla časovaha pražyvańnia. U najaŭnaści jość adnapakajovaja kvatera, ale dla šmatdzietnaj siamji, zrazumieła, taki varyjant nie padychodzić».
Ciapier čytajuć
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary
dobivajutsia do ručki.....