Minčuka aštrafavali za hrašovyja pieravody ad fondu «Strana dla žiźni» i spahnali ź jaho 900 jeŭra
U kancy červienia ŭ Minsku supracoŭniki KDB zatrymali muža i žonku. Paśla dopytaŭ ich adpuścili, ale na muža skłali pratakoł pa č. 6 art. 24.23 KaAP «Parušeńnie paradku arhanizacyi ci praviadzieńnia masavych mierapryjemstvaŭ, jakoje supravadžajecca vypłataj uznaharody za ŭdzieł u masavym mierapryjemstvie», paviedamlaje «Viasna».
Zhodna z pratakołam, mužčyna «dla atrymańnia finansavaj dapamohi z metaj pakryćcia vydatkaŭ, abumoŭlenych pryciahnieńniem jaho žonki da adkaznaści za parušeńnie paradku praviadzieńnia masavych mierapryjemstvaŭ, adkryŭ rachunak u banku Raysera, na jaki fondam «Strana dla žiźni» byli pieraličanyja hrašovyja srodki ŭ pamiery ahułam 900 jeŭra, i vykarystaŭ atrymanyja hrošy dla pakryćcia vydatkaŭ, paniesienych u suviazi z apłataj štrafaŭ, nakładzienych na jaho žonku na padstavie č. 1 art. 23.34 KaAP».
Viadoma, što žančynu dvojčy zatrymlivali na akcyjach pratestu ŭ 2020 hodzie.
Sud nad mužčynam adbyŭsia 4 lipienia. Na pracesie mužčyna całkam pryznaŭ svaju vinu. Sudździa Maskoŭskaha rajona Minska Taćciana Matyl, pavodle sudovaj pastanovy, pryznała mužčynu vinavatym pavodle č. 7 art. 24.23 KaAP, pry hetym artykuł praduhledžvaje tolki šeść častak. U vyniku minčuka pakarali štrafam u pamiery 480 rubloŭ (15 bazavych vieličyń). Akramia hetaha, sud pastanaviŭ na padstavie p. 1 č. 2 art. 6.10 KaAP spahnać va ŭłasnaść dziaržavy košt «pradmieta administracyjnaha pravaparušeńnia» — 2 396 rubloŭ i 7 kapiejek ci 900 jeŭra.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary