Mižnarodnuju arhanizacyju pracy prosiać zastupicca za začynienyja biełaruskija prafsajuzy
Nakiravany list u Mižnarodnuju arhanizacyju pracy z prośbaj ab terminovym umiašańni ŭ suviazi ź likvidacyjaj biełaruskich niezaležnych prafsajuzaŭ.
Hłabalny prafsajuz IndustriALL zrabiŭ zajavu ab zakryćci niezaležnych prafsajuzaŭ Biełarusi, u jakoj asudziŭ dziejańni biełaruskich uładaŭ i zapatrabavaŭ vyzvaleńnia ŭsich prafsajuznych aktyvistaŭ, jakija znachodziacca ŭ źniavoleńni.
IndustriALL nie pryznaje rašeńnie Viarchoŭnaha suda Biełarusi ab spynieńni dziejnaści piaci niezaležnych prafsajuzaŭ i praciahnie padtrymlivać svaje siabroŭskija arhanizacyi BNP (Biełaruski niezaležny prafsajuz harniakoŭ, chimikaŭ, naftapierapracoŭščykaŭ, enierhietykaŭ, transpartnikaŭ, budaŭnikoŭ i inšych rabotnikaŭ), SPB (Svabodny prafsajuz mietalistaŭ), prafsajuz Radyjoelektronnaj pramysłovaści (REP).
Hłabalny prafsajuz nakiravaŭ list hienieralnamu dyrektaru Mižnarodnaj arhanizacyi pracy z prośbaj ab terminovym umiašańni, u jakim havorycca:
«IndustriALL samym rašučym čynam asudžaje rašeńnie suda, jakoje my nie pryznajom. My budziem praciahvać akazvać dapamohu i ŭsiebakovuju padtrymku niezaležnym prafsajuzam Biełarusi, kab harantavać ich arhanizacyjnuju stabilnaść».
Na minułym tydni Viarchoŭny sud Biełarusi likvidavaŭ usie biełaruskija niezaležnyja prafsajuzy.
Ciapier čytajuć
Aleksijevič: Adno z samych mocnych uražańniaŭ u žyćci — kali ja apynułasia ŭ natoŭpie ŭ 2020 hodzie14
Kamientary