U Jeŭrasajuzie damovilisia pra źmianšeńnie spažyvańnia hazu na 15%, ale z vyklučeńniami dla asobnych krain
Krainy Jeŭrasajuza ŭzhadnili skaračeńnie spažyvańnia hazu na 15%. U najbližejšyja dni dakumient płanujuć pryniać praź piśmovuju praceduru. Jak adznačyŭ ministr enierhietyki Luksiemburha Kłod Termieks, adzinaj krainaj, jakaja hałasavała suprać prapanovy Jeŭrakamisii, była Vienhryja. Zrešty, dla pryniaćcia rašeńnia dastatkova kvalifikavanaj bolšaści.
Ministr pramysłovaści i handlu Čechii Jozaf Sikieła zajaviŭ, što pryniataja ŭ rekordna karotkija terminy prapanova pa skaračeńni vykarystańnia hazu ŭmacuje ahulnuju enierhietyčnuju biaśpieku. Sikieła ličyć, što ekanomija hazu dapamoža lepš padrychtavacca da zimy, jakaja, na dumku češskaha ministra, stanie bolš tannaj i lohkaj dla žycharoŭ i pramysłovaści ES.
U adpaviednaści z dakumientam možna budzie inicyjavać «sajuznaje papiaredžańnie» — abviaščeńnie hatoŭnaści ŭsich krain Jeŭrasajuza ŭ vypadku składanaj situacyi ŭ halinie pastavak abaviazkova skaracić spažyvańnie hazu.
Pry hetym Jeŭrasajuz dapuskaje vyklučeńni i mahčymaść dla kankretnaj krainy admovicca ad abaviazkovaha skaračeńnia, kab pryniać va ŭvahu kankretnyja situacyi dziaržaŭ-členaŭ ES i zabiaśpiečyć efiektyŭnaść skaračeńnia popytu.
Krainy ES, jakija nie padłučanyja da hazavych sietak inšych krain abjadnańnia, vyzvalajucca ad abaviazkovych skaračeńniaŭ spažyvańnia.
«Dziaržavy-členy taksama mohuć paprasić vyklučeńnie, kali jany pieravysili svaje metavyja pakazčyki zapaŭnieńnia schoviščaŭ hazu, kali jany mocna zaležać ad hazu jak syraviny dla najvažniejšych halin pramysłovaści abo kali ich spažyvańnie hazu pavialičyłasia nie mienš čym na 8% u minułym hodzie ŭ paraŭnańni ź siarednim pakazčykam apošnich piaci hadoŭ», — paviedamlajuć u Radzie ES.
Ciapier čytajuć
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi4
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary