Mahiloŭcu, zaniesienamu ŭ «terarystyčny śpis» KDB, dali 3 hady kałonii
Sud Mahiloŭskaj vobłaści ŭ paniadziełak, 25 lipienia, abviaściŭ prysud miascovamu žycharu, architektaru Alaksieju Pareckamu. Sudździa Alena Kartavienka pryznała 40-hadovaha mužčynu vinavatym u paklopie ŭ dačynieńni da Alaksandra Łukašenki (č. 2 art. 367 KK RB), a taksama ŭ raspalvańni sacyjalnaj varožaści (č.1 art. 130 KK RB), piša miascovy pravabarončy kanał MAYDAY.TEAM.
Pryčynaj dla kryminalnaha pieraśledu stali apublikavanyja Pareckim paviedamleńni ŭ internecie. U sukupnaści mužčynu było pryznačana pakarańnie ŭ vyhladzie troch hadoŭ pazbaŭleńnia voli ŭ kałonii ahulnaha režymu.
Sam Parecki da suda znachodziŭsia pad padpiskaj ab niavyjeździe i ŭžo ŭ zale suda jaho ŭziali pad vartu.
U krasaviku Parecki 17 dzion pravioŭ na psichołaha-psichijatryčnaj ekśpiertyzie ŭ Navinkach, ale, zhodna z zaklučeńniem lekaraŭ, byŭ pryznany zdarovym. Viadoma, što ŭ mužčyny majecca 3-ja hrupa invalidnaści.
13 červienia Kamitet dziaržaŭnaj biaśpieki ź nieviadomych pryčyn uklučyŭ Alaksieja Pareckaha ŭ śpis asob, jakija majuć dačynieńnie da «terarystyčnaj dziejnaści».
Alaksiej Parecki — architektar, adukacyju atrymaŭ u Maskoŭskim architekturnym instytucie. Taksama jon skončyŭ Maskoŭski dziaržaŭny ŭniviersitet, fakultet historyi Uschodniaj Jeŭropy. Byŭ udzielnikam realici-šou «Bitva dyzajnieraŭ» na kanale TNT.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary