Sud Savieckaha rajona Minska 2 žniŭnia vynies prysud spartoŭcu, bajcu katehoryi MMA Uładzisłavu Navickamu. Jaho abvinavacili ŭ arhanizacyi i padrychtoŭcy dziejańniaŭ, jakija hruba parušajuć hramadski paradak, albo ŭdziele ŭ ich (č. 1 art. 342 Kryminalnaha kodeksa), piša «Viasna».
Spravu razhladała sudździa Maryna Fiodarava.
Palitviazień Uładzisłaŭ Navicki — bajec MMA. Jon byŭ zatrymany 26 sakavika 2022 hoda za ŭdzieł u akcyjach pratestu ŭ 2020 hodzie. Da suda ŭtrymlivaŭsia pad vartaj e SIZA №1 Minska.
Viadoma, što Navickamu inkryminavali dva epizody ŭdziełu ŭ masavych akcyjach pratestu, jakija adbyvalisia ŭ Minsku paśla falsifikacyi vybaraŭ prezidenta ŭ 2020 hodzie. U adnym z epizodaŭ jon razam ź inšymi asobami nibyta vychodziŭ na prajeznuju častku vulicy i hetym zaminaŭ pracy hramadskaha transpartu.
«Pakajannaje videa» sa spartsmienam źjaviłasia ŭ praŭładnym telehram-kanale. Na im Uładzisłaŭ Navicki kazaŭ, što ŭ jaho jość znajomyja, jakija ciapier vajujuć va Ukrainie suprać rasijskich akupantaŭ.
Svaju vinu Navicki ŭ sudzie pryznaŭ całkam.
Sud pastanaviŭ pryznać Uładzisłava Navickaha vinavatym i prysudziŭ jamu abmiežavańnie voli terminam na try hady z nakiravańniem va ŭstanovu adkrytaha typu. Taksama zadavolili materyjalny isk pradpryjemstva «Minsktrans» pamieram u 25 000 rubloŭ.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ2
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary