Bolš za ŭsio — u Varšavie, Hdańsku i Biełastoku. Kolki biełarusaŭ žyvie ŭ Polščy?
Padrabiaznuju statystyku apublikavaŭ Centr biełaruskaj salidarnaści.
Pa danych Upraŭleńnia pa spravach zamiežnikaŭ, na 30 červienia 2022 hoda ŭ Polščy žyło 52,3 tysiačy biełarusaŭ.
Ź ich 28,2 tysiačy majuć pastajanny vid na žycharstva, 20 tysiač — časovy vid na žycharstva, 2,4 tysiačy — dadatkovuju abaronu.
Jašče 864 čałaviekam vydadzieny dazvoł na znachodžańnie doŭhaterminovaha rezidenta ES. Taksama 508 biełarusaŭ atrymali ŭ Polščy časovuju abaronu, a 294 — status biežanca.
Plus 15,3 tysiačy čałaviek majuć inšyja dziejnyja dakumienty, jakija dajuć dazvoł na znachodžańnie ŭ Polščy.
Bolš za ŭsio biełarusaŭ žyvie ŭ Mazavieckim vajavodstvie (administracyjny centr — Varšava). Šmat asieła taksama ŭ Pamorskim (Hdańsk), Padlaskim (Biełastok) i Nižniesilezskim (Urocłaŭ) vajavodstvach.
Bolšaść atrymlivaje VNŽ pa padstavie pracy (64%).
Asnoŭnaja masa biełarusaŭ, jakija pryjechali ŭ Polšču, — va ŭzroście ad 20 da 39 hod. 56% mužčyn i 44% žančyn.
Pa stanie na 30 červienia było vydadziena taksama 36,6 tysiačy humanitarnych viz i 42,9 tysiačy viz pa prahramie Poland Business Harbour.
«Ja takoha nie bačyŭ jašče». Stała viadoma, kolki biełarusaŭ atrymali humanitarnyja i rełakacyjnyja vizy
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj77
Kamientary