«Aerafłot» i inšyja rasijskija avijakampanii pačali raźbirać łajniery na zapčastki, jakija vykarystoŭvajuć dla padtrymańnia inšych samalotaŭ va ŭmovach sankcyj, što zabaranili prodaž novych kampanientaŭ u Rasiju. Pra heta paviedamlaje Reuters sa spasyłkaj na čatyry krynicy ŭ halinie.
Krynica Reuters paviedamiła, što jak minimum adzin samalot Sukhoi Superjet 100 i adzin Airbus A350, ekspłuatavanyja «Aerafłotam», ciapier raźbirajucca na zapčastki. Pry hetym, pa słovach surazmoŭcy ahienctva, Airbus A350 byŭ amal novym. Taksama abstalavańnie źniali z pary samalotaŭ Boeing 737 i Airbus A320.
«Kanibalizacyja» samalotaŭ, jakija bazujucca ŭ Rasii, «tolki pytańnie času», kaža krynica Reuters u zachodniaj avijacyjnaj pramysłovaści. Ahienctva tłumačyć, što novyja pakaleńni samalotaŭ (A320neo, A350, Boeing 737 MAX i 787) vykarystoŭvajuć kampanienty, jakija nieabchodna pastajanna abnaŭlać.
Reuters na padstavie źviestak Flightradar24 padličyła, što ź lipienia «Aerafłot» nie ekspłuatuje kala 50 svaich samalotaŭ. Heta kala 15% parku, u tym liku tyja samaloty, jakija trapili pad sankcyi. Try ź siami samalotaŭ Airbus A350 nie ŭźlatali ŭžo kala troch miesiacaŭ, siarod ich adzin ciapier raźbirajecca na zapčastki.
Inšy surazmoŭca ahienctva zajaviŭ, što rasijskija avijakampanii ciapier lotajuć pa mienšaj kolkaści maršrutaŭ z-za zachodnich sankcyj. Heta aznačaje, što ŭ rasparadžeńni kampanij jość nieekspłuatavanyja samaloty, jakija taksama mohuć być razabranyja na zapčastki.
Pry hetym zabiaśpiečyć pastaŭki zapčastak z krain, jakija admovilisia ad sankcyj suprać Rasii, budzie składana, bo zamiežnyja kampanii bajacca druhasnych sankcyj. Kožnaja detal dla avijahaliny maje ŭnikalny numar, a kančatkovy pakupnik pavinien być viadomy Boeing i Airbus, tamu, pa słovach surazmoŭcy Reuters, ni Kitaj, ni AAE nie pahodziacca pastaŭlać nieabchodnyja kampanienty.
Bolšaja častka pasažyrskaha avijaparku Rasii składajecca z zachodnich samalotaŭ. Kala 80% avijaparku «Aerafłota» — heta madeli Boeing i Airbus. Ad zachodnich kampanientaŭ mocna zaležyć i Sukhoi Superjet ajčynnaj vytvorčaści.
Raniej zdymać zapčastki z samalotaŭ rekamiendavaŭ avijakampanijam eks-vice-premjer Juryj Barysaŭ, jaki ciapier uznačaliŭ «Raskosmas». Takoje rašeńnie, pa jahonuju dumku, daść mahčymaść zachavać častku łajnieraŭ u zdatnym da palotaŭ stanie na praciahu jašče piaci hadoŭ.
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary
Za čto — niejasno, mołčit nauka.
Mnie priedstavlajetsia sovsiem prostaja štuka:
Chotieli kušať — i sjeli Kuka!
...A dikari tiepieŕ załamyvajut ruki,
Łomajut kopija, łomajut łuki,
Sožhli i brosili dubinki iz bambuka —
Pierieživajut, čto sjeli Kuka"©