Maładyja haradziency, jakija chočuć pasprabavać svaje siły ŭ žurnalistycy, mohuć padavać zajaŭki na ŭdzieł u prajekcie «Škoła Maładoha Žurnalista‑13».
ŠMŽ — heta ŭnikalnaja škoła ŭ Biełarusi, dzie vykładajuć žurnalisty‑praktyki.
Za 12 hod «Škołu» prajšło bolš za 250 chłopcaŭ i dziaŭčat. Niekatoryja ź ich stali łaŭreatami nacyjanalnych i mižnarodnych uznaharod u halinie žurnalistyki. Vypuskniki ŠMŽ pracujuć siońnia ŭ hazietach «Viečiernij Hrodno», «Hrodzienskaja praŭda», «Pierśpiektiva»,»Naša Niva», «Biełorusy i Rynok», na telekanale ANT, a taksama ŭ zamiežnych ŚMI.
Prajekt składajecca z tearetyčnaha i praktyčnaha błokaŭ. Tearetyčnaja častka budzie pryśviečanaja asnovam žurnalistyki («Uvodziny ŭ žurnalistyku», «Pravavyja i etyčnyja aśpiekty pracy žurnalista», «Žanry žurnalistyki», «Asablivaści hazietnaj, radyjo‑ i internet‑žurnalistyki» i mnohija inšyja).
Praktyku navučency prachodziać u redakcyi internet‑haziety i radyjo «Tvoj styl».
Da ŭdziełu ŭ prajekcie «ŠMŽ‑13» zaprašajucca junaki i dziaŭčaty ad 16 da 25 hod.
Zajavy na ŭdzieł možna zapoŭnić da 25 vieraśnia pa adrasie: Hrodna, vuł. Budzionaha, 48a‑11, z 12:00 da 17:00 (akramia suboty i niadzieli).
Bolš padrabiaznuju infarmacyju možna atrymać pa telefonach: 75‑71‑72; (+375 29) 784‑32‑21, 106‑85‑94.
Kamientary