U Homielskim rajonie 60-hadovy mužčyna pahražaŭ 12-hadovamu padletku nažom
U Homielskim rajonie 12-hadovamu padletku pahražaŭ nažom i patrabavaŭ spuścić štany 60-hadovy znajomy jaho baćki.
Jak piša telehram-kanał «Obratnaja storona», baćka pryvioz syna da svajho znajomaha źbirać maliny.
Pakul toj pracavaŭ na vulicy, haspadar vypivaŭ u siabie ŭ domie. A kali dajšoŭ da patrebnaj kandycyi, staŭ dajmać padletka i patrabavaŭ ad jaho spuścić štany.
Chłopčyk namahaŭsia nie reahavać. Tady mužčyna advioŭ jaho ŭ dom, schapiŭ nož i staŭ pahražać im.
U hety čas viarnuŭsia baćka, pačuŭ kryki i kinuŭsia ŭ dom. Raźbiracca sa svaim znajomym mužčyna nie staŭ, a prosta pavioz syna dadomu i vyklikaŭ milicyju.
Supracoŭnikam milicyi mužčyna zajaviŭ, što ničoha nie pamiataje, i sprabavaŭ usio toje, što adbyłosia, śpisać na ałkahol. Za pahrozu zabojstvam jaho mohuć pryhavaryć da termina da troch hadoŭ pazbaŭleńnia voli.
Kamientary