Sachaščyk: Suprać Ukrainy hatovyja vystupić maksimum 10-15% biełaruskich sałdat
Pahadzicca vajavać suprać Ukrainy hatovyja 10-15 pracentaŭ ad bajazdolnaha składu Uzbrojenych sił Biełarusi. Takoje mierkavańnie vykazaŭ u hutarcy z «Biełaruskim rasśledavalnickim centram» padpałkoŭnik zapasu PDV, pradstaŭnik Kabinieta Śviatłany Cichanoŭskaj pa abaronie i nacyjanalnaj biaśpiecy Valeryj Sachaščyk.
Napiaredadni namieśnik načalnika hałoŭnaha apieratyŭnaha ŭpraŭleńnia Hienštaba Uzbrojenych sił Ukrainy Alaksiej Hromaŭ paviedamiŭ, što da 13 tysiač asob ź liku dziejnych i byłych vajskoŭcaŭ padraździaleńniaŭ biełaruskich sił śpiecyjalnych apieracyj, a taksama AMAPa padpisali zhodu na ŭdzieł u vajnie suprać Ukrainy.
Valeryj Sachaščyk skazaŭ, što nie vałodaje dakładnaj infarmacyjaj na hety kont, ale nie vieryć, što tak šmat biełaruskich vajskoŭcaŭ mahli pahadzicca vajavać suprać Ukrainy. Na jaho dumku, heta moža być kala 10-15% ad bajazdolnaha składu Uzbrojenych Sił Biełarusi.
«Nie tak šmat admarozkaŭ, jakija hatovyja iści zabivać i hinuć sami. Mnie nazyvali ličbu maksimum u dziesiać adsotkaŭ», — skazaŭ jon.
Pavodle źviestak Mižnarodnaha instytuta stratehičnych daśledavańniaŭ, u 2020 hodzie ŭ Biełarusi naličvałasia blizu 45 tysiač vajskoŭcaŭ. Heta značyć, havorka moža iści pra 4-5 tysiač biełaruskich vajskoŭcaŭ, hatovych vajavać suprać Ukrainy. Sachaščyk udakładniŭ, što dakładnych sacyjałahičnych danych nichto nie maje. Akramia taho, mnohaje zaležyć ad taho, jak sfarmulavać pytańnie.
«Kali ciabie pastaviać pierad vybaram — sadzišsia ŭ turmu abo vykanaješ zahad i pojdzieš va Ukrainu, tady budzie nie dziesiać, a šeśćdziesiat abo dzievianosta adsotkaŭ. I dalej čałaviek užo budzie dumać, što jamu rabić paśla pierasiačeńnia miažy. Kali b nas dapuścili pravieści apytańnie ŭ bataljonna-taktyčnych hrupach, jakija siadziać la miažy, to možna było b pra niešta kazać. Ciapier my z vami prosta hadajem na kavavaj huščy», — padkreśliŭ pradstaŭnik Kabinieta Śviatłany Cichanoŭskaj.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary