Novy siamiejny padrad: Jałfimaŭ zaciahnuŭ u prapahandu svajho syna, ciapier toj vystupaje ŭ «Minskaj praŭdzie». Vyjaŭlajecca, abodva jany rasijanie
U adyjoznaj «Minskaj praŭdzie» źjaviŭsia novy kałumnist — Alaksiej Jałfimaŭ, syn inšaha kałumnista Vadzima Jałfimava. 25-hadovy chłopiec razam z baćkam vydajuć kanviejer kałonak. Da taho chłopiec nidzie nie pracavaŭ.
U dziaržaŭnych ŚMI pry sadziejničańni Mininfarma praciahvaje raźvivacca «aŭtarskaja žurnalistyka», pad čym treba razumieć źjedlivyja kałonki na temy, u jakich aŭtary, jak praviła, nie raźbirajucca, ale kampiensujuć dyletanctva nianaviściu da palityčnych apanientaŭ, nizkajakasnymi žartami, pierakazam prapahandysckich bajek i naŭprostavaj chłuśnioj.
Takaja moda pryjšła ŭ Biełaruś razam ź mietadyčkami z Rasii i ŭkaraniłasia paśla 2020-ha.
Imiony najbolš jaskravych «aŭtarskich žurnalistaŭ» usim znajomy, ale ich šerahi časam papaŭniajucca.
Zdajecca, jak i ŭ vypadku z Azaronkami, vymaloŭvajucca abrysy jašče adnoj prapahandysckaj dynastyi — Jałfimavych.
Vadzim Jałfimaŭ — zachodnierusist, hramadzianin Rasii, jaki žyvie ŭ Biełarusi pa VNŽ. Naradziŭsia ŭ Małdovie. Raniej byŭ vykładčykam žurfaka BDU, dzie ničym siabie nie prajaviŭ.
Jahonym «zornym» časam byli vystupleńni na BT u 2010-ch. Paśla 2020-ha žyćcio dało jamu jašče adzin šaniec. Ciapier jon znoŭ vystupaje na telebačańni i piša kałonki ŭ «Minskuju praŭdu», dzie vyłučajecca pracazdolnaściu i manietyzuje svaje razvahi z zajzdrosnaj sistemaj: časam, pa dźvie kałonki ŭ dzień!
Hetym letam na staronkach «Minskaj praŭdy» pačali źjaŭlacca kałonki i syna Vadzima — Alaksieja.
«Čamu žadańnie nasalić Rasii vyračana na pravał?», «Zachodnija sankcyi mohuć pryvieści śviet da hoładu», «Jak Bajden davioŭ krainu da pucinskaha padatku» — takija artykuły vydaje 25-hadovy chłopiec.
Pa słovach surazmoŭcaŭ «Našaj Nivy», hanarar za adnu kałonku ŭ «Minskaj praŭdzie» składaje kala 70 biełaruskich rubloŭ, ale moža być i bolšym — u zaležnaści ad «zornaści» aŭtara.
Ciapier siamja publikujecca ŭ litaralnym sensie pobač.
Alaksiej Jałfimaŭ, jak i baćka — hramadzianin Rasii. Maci biełaruska. Jon skončyŭ minskuju himnaziju №61 i jurfak BDU, tema dypłoma — «Rola ŚMI ŭ realizacyi infarmacyjnaj palityki Biełarusi».
Što admietna, vyhladaje, što da ŭładkavańnia ŭ «Minskuju praŭdu» Alaksiej nidzie, prynamsi aficyjna, nie pracavaŭ — zapisaŭ ab miescach raboty ŭ bazie ab vypłacie sacyjalnych unioskaŭ na Alaksieja Jałfimava niama.
-
Dziadok — apazicyjanieram: Zajmajučysia dyskredytacyjaj Ofisa Cichanoŭskaj, vy ljacie vadu na młyn režymu
-
«Marzaluk — heta naš zubr». Jak praŭładny historyk niečakana staŭ trendam dla zumieraŭ u tyktoku
-
«Šatł-bas spačatku spyniŭsia, a potym pačaŭ pavolna kacicca nazad». Biełarus, jaki staŭ vidavočcam avaryi ŭ Tajłandzie, raskazaŭ padrabiaznaści
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary