Kožny dziasiaty biełaruski nastaŭnik užo dasiahnuŭ piensijnaha ŭzrostu, dola piensijanieraŭ siarod ich składaje 9,5%. Pra heta zajaviŭ ministr adukacyi Andrej Ivaniec.
Sam jon ničoha strašnaha ŭ hetym nie bačyć, a naadvarot, ličyć takuju situacyju aptymalnaj:
«Maładoje pakaleńnie, maładyja śpiecyjalisty, jakija prychodziać pracavać u škoły, majuć patrebu ŭ nastaŭnictvie, i chto, jak nie tyja piedahohi, jakija ŭsio žyćcio adpracavali ŭ adukacyi, mohuć pieradać hety vopyt. Heta dobry spłaŭ maładości i vopytu», — zapeŭniŭ ministr, adznačyŭšy, praŭda, što nibyta «ŭ krainie adbyvajecca pastupovaje amaładžeńnie piedahahičnaha składu».
Sioleta vykładać u škołach pačali zvyš 5,8 tysiačy vypusknikoŭ piedahahičnych VNU. Akramia hetaha, ceły hod adpracavali pa śpiecyjalnaści tyja, chto spačatku vučyŭsia ŭ piedahahičnych kłasach, a zatym pastupiŭ u profilnuju VNU.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary