Łuniova: Mažejku zatrymali, kali jon pryjazdžaŭ u Hrodna pabačyć baćkoŭ
Žurnalistka Luboŭ Łuniova ŭ Facebook raspaviała padrabiaznaści zatrymańnia Paŭła Mažejki. Pavodle jaje, zatrymali žurnalista, kali toj čarhovy raz pajechaŭ praviedać baćkoŭ u Hrodna.
Jana piša, što siońnia nijakich iluzij nie pavinna być.
Tak, možna jeździć u Biełaruś i ŭ Polšču, ale heta moža raptoŭna skončycca i, kali heta zdarycca, u jaki kankretna momant — nichto nie viedaje.
«Nu, nielha ciapier tudy jeździć, kali vy viadomaja asoba, asabliva, kali žurnalist ci hramadski aktyvist. Śmiardziučaja kamiera čakaje na Baćkaŭščynie kožnaha, chto spadziavajecca: moža, abminie hetaja navała, maŭlaŭ, pabačusia sa svaimi i viarnusia. Nie vierniešsia…» — piša Łuniova.
Žurnalista i kiraŭnika hrodzienskaha «Centra haradskoha žyćcia» Paŭła Mažejku zatrymali 30 žniŭnia.
Pavieł — viadomy hrodzienski žurnalist, adna z hałoŭnych asob hramadska-kulturnaha žyćcia Hrodna.
U sakaviku 2021 hoda Paŭła Mažejku zatrymlivali razam z mastakom Alesiem Puškinym u ramkach spravy «ab reabilitacyi nacyzmu» za demanstracyju partreta ŭdzielnika antysavieckaha padpolla Jaŭhiena Žychara. Ale tady Mažejku vyzvalili paśla 72 hadzin aryštu.
30 žniŭnia taksama zatrymali byłuju advakatku mastaka Alesia Puškina Juliju Jurhilevič.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary