Polšča acaniła na 1,3 tryljona dalaraŭ škodu, naniesienuju Niamieččynaj padčas Druhoj suśvietnaj vajny
Polšča acaniła škodu, naniesienuju Niamieččynaj padčas Druhoj suśvietnaj vajny, u 6,2 trłn złotych (bolš za 1,3 trłn dalaraŭ). Takuju sumu siońnia nazvaŭ lidar kirujučaj partyi «Prava i spraviadlivaść» Jarasłaŭ Kačyński, pradstaŭlajučy spravazdaču ab vajennych stratach, paviedamlaje Reform.by.
«Suma strat była raźličanaja ŭ 6,2 trłn złotych. Takaja kampiensacyja budzie vypłačvacca dziesiacihodździami, ale prymalnaja dla niamieckaj ekanomiki», — zajaviŭ Kačyński.
Pavodle jaho słoŭ, Polšča budzie damahacca hetych reparacyj.
«Chaču padkreślić, što my nie tolki padrychtavali spravazdaču, ale i pryniali rašeńnie ab dalejšych dziejańniach. Hetyja dziejańni ŭklučajuć prośbu da Hiermanii pačać pieramovy ab reparacyjach», — dadaŭ jon.
Kačyński skazaŭ, što značnaja kolkaść žycharoŭ Polščy, zabitych padčas Druhoj suśvietnaj vajny, byli habrejami.
«Kali dziaržava Izrail zachoča dałučycca da našaj dziejnaści, my hatovyja da hetaha», — skazaŭ jon.
«My viedajem, što ŭstupajem na ciažki i doŭhi šlach. Ale vy pavinny pamiatać, što historyja mianiajecca, i časam usio adbyvajecca chutčej. I choć daroha budzie doŭhaj, my ŭpeŭnienyja, što ŭ nas usio atrymajecca», — dadaŭ Kačyński.
Na prezientacyi spravazdačy ab vajennych stratach vystupiŭ taksama premjer-ministr Polščy Matevuš Maraviecki.
Siońnia ŭ Polščy prachodziać pamiatnyja mierapryjemstvy, pryśviečanyja pačatku Druhoj suśvietnaj vajny. 1 vieraśnia 1939 hoda Hiermanija raźviazała vajnu, napaŭšy na Polšču.
-
U Viciebsku pakazali, jak adbudujuć zhareły hod tamu handlovy centr «Biełaruś» FOTY
-
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni
-
«Architekturnaje aśviatleńnie i bieton». Novyja stancyi mietro nie buduć padobnyja na papiarednija
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni19
Kamientary