Biełstat pierastaŭ abnaŭlać danyja ab stanie źniešniaha dziarždoŭhu i vykanańni biudžetu, jakija zvyčajna publikujucca pa standarcie raspaŭsiudžvańnia danych MVF, piša «Zierkało».
Na śpiecyjalnaj staroncy zvodnych danych na sajcie Biełstata adsutničaje infarmacyja pra stan źniešniaha dziarždoŭhu i vykanańnia biudžetu za lipień. Zvyčajna hetyja danyja publikujucca ŭ apošnija dni miesiaca, što idzie za spravazdačnym. Heta značyć, infarmacyja za lipień pavinna była źjavicca na hetaj staroncy ŭ kancy žniŭnia. U Biełstacie adsutnaść infarmacyi tłumačać tym, što Minfin bolš nie daje jaje statystyčnamu kamitetu dla spravazdačnaści. A ŭ pradstaŭnictvie MVF u Biełarusi nie kamientujuć admovu ad publikacyi častki danych u ramkach praduhledžanych damoŭlenaściej.
Spravazdačnaść u ramkach śpiecyjalnaha standartu raspaŭsiudžvańnia danych (SSRD) MVF nacyjanalnyja statystyčnyja kamitety publikujuć paśla taho, jak krainy padpisvajuć hety standart spravazdačnaści. Heta nakładvaje na dziaržavy abaviazacielstvy pradastaŭlać danyja pa praduhledžanych mietodykach i hrafiku.
Biełaruś dałučyłasia da SSRD MVF u 2004 hodzie. Mierkavałasia, što heta budzie aznačać «dziaržava-člen žadaje infarmavać hramadskaść i ŭdzielnikaŭ finansavych rynkaŭ pra padpisańnie standartu i pra faktyčnaje jaho vykanańnie» i paćviardžać «adkrytaść statystyčnaj infarmacyi Biełarusi dla mižnarodnych arhanizacyj».
Nahadajem, Minfin abmiežavaŭ dostup hramadskaści da danych ab stanie dziaržaŭnaha doŭhu i biudžetu. U lipieni Ministerstva pierastała publikavać pres-relizy ab vykanańni biudžetu i vydaliła z sajta spravazdačy za papiarednija miesiacy. Čynoŭniki paćviardžali, što pakul nie buduć infarmavać hramadzian pra stan kazny — heta pry tym, što bolš čym na 80% biudžet farmujecca za košt padatkaŭ.
Detalovyja danyja pa dziarždoŭhu stali chavać jašče raniej. Čynoŭniki abmiažoŭvajucca ahulnymi danymi ab dziarždoŭhu, pry hetym jany zasakrecili infarmacyju ab tym, u kaho zajmaje srodki naša kraina, a taksama jakija sumy vypłačvaje i kamu pa starych kredytach.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza1
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary