Šanoŭnyja čytačy, a najpierš aŭtary «Našaj historyi»!
Paśla pierapynku my adnaŭlajem vychad vydańnia, jaki na pačatku hetaha hoda spynili abstaviny.
Vydavać papiarovaje vydańnie ŭ Biełarusi pakul niemahčyma, a za miažoju heta nie akupiłasia b, tamu časopis budzie vychodzić na elektronnaj płatformie.
Prosim usich dasyłać artykuły ŭ numar 41 adnoŭlenaha časopisa.
Nahadajem, što farmat artykułaŭ «Našaj historyi» — šyroki. Da 2021 hoda my publikavali artykuły tolki pra historyju da 1991 hoda, ciapier my hatovyja pisać i pra 1990-2010-ja hady. My prymajem artykuły jak prafiesijnych historykaŭ, žurnalistaŭ, litarataraŭ, tak i prostych ludziej. Prymajucca da razhladu materyjały i na surjoznyja temy, i nie na vielmi surjoznyja. Tut i historyja ajčynnaja i suśvietnaja, i navuka, i nacyjanalnaja hieahrafija, i siamiejnyja dy asabistyja historyi, i turystyčnyja kirunki, i traviełohi.
My budziem zachoŭvać ananimnaść aŭtaraŭ pa ich žadańni, hatovyja publikavać artykuły i pad psieŭdanimami, i biez podpisaŭ.
Nahadajem, što 40 vypuskaŭ «Našaj historyi» ŭ Biełarusi razyšlisia ahulnym nakładam bolš za 200 tysiač asobnikaŭ. My prahniem, kab adnoŭlenaje vydańnie było takoje ž zapatrabavanaje i pasłužyła našamu słaŭnamu i hieraičnamu narodu.
Dasyłajcie artykuły na elektronny adras [email protected].
Pisać — naš abaviazak. Pišučy, my źmianiajem siabie i hramadstva vakoł siabie.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary
i snova 3 sientiabria, ja kalendaŕ pierieviernu)