Niezvyčajnaja darožnaja avaryja sa śmiarotnym vynikam adbyłasia siońnia ranicaj u Vałožynskim rajonie na aŭtatrasie M6 «Minsk — Hrodna». Lehkavik «Fijat», jaki stajaŭ na ŭzbočynie, źbiŭ naśmierć svajho ž 55-hadovaha haspadara, što znachodziŭsia pobač.
Pavodle DAI UUS Minałvykankama, kala 05:20 55-hadovy hrodzieniec jechaŭ na aŭtamabili «Fijat Palia» pa aŭtatrasie M6 «Minsk — Hrodna» ŭ napramku Hrodna.
Na 49-m kiłamietry trasy mužčyna nie spraviŭsia z kiravańniem i ŭrezaŭsia ŭ raździalalnuju trosavuju aharodžu. Paśla hetaha «Fijat» raźviarnuła i adkinuła nazad na pravuju pałasu.
Kiroŭca ŭ vyniku hetaj avaryi nie paciarpieŭ. Vyklikaŭšy evakuatar, jon vyjšaŭ z mašyny i stajaŭ na ŭzbočynie kala jaje. I treba ž było tak stacca, što prykładna ŭ 05:46 pa hetaj ža samaj pałasie jechaŭ furhon «Reno Majstar» pad kiravańniem 47-hadovaha kiroŭcy, jaki niedahledzieŭ i ŭrezaŭsia ŭ «Fijat».
Lehkavik ad udaru adlacieŭ ubok i źbiŭ svajho haspadara. Ad atrymanych traŭmaŭ mužčyna pamior na miescy zdareńnia.
Ciapier čytajuć
Jany pajšli ad nas u 2025 hodzie. Zhadvajem biełarusaŭ, jakich my stracili3
Kamientary
u nas prosto siehodnia (viernieje včiera) niemnožiečko tožie... 'niebalšeńkaje' dtp