Adrazu dva DTZ z udziełam łasioŭ zdarylisia na adnym učastku darohi ŭ Bresckaj vobłaści ź intervałam u niekalki hadzin. Pieršaja avaryja adbyłasia na 217-m kiłamietry, a druhaja — na 127-m, paviedamlaje DAI Bresckaj vobłaści.
U Baranavickim rajonie dzikaja žyviolina vybiehła na darohu kala apoŭnačy. 36-hadovy žychar horada Ivanava na Renault jechaŭ pa krajniaj levaj pałasie aŭtadarohi M-1 u napramku Bresta. Na 217-m kiłamietry ŭ bakavuju častku mašyny «prylacieŭ» łoś.
Aŭtamabil źjechaŭ u kiuviet, žyviolina zahinuła na miescy, kiroŭca z traŭmami špitalizavany.
A ŭ Biarozaŭskim rajonie łoś niečakana źjaviŭsia na 127 km toj ža darohi M1 kala 06.30. Tut, praŭda, nastupstvy byli krychu miakčejšymi: hruzavik MAZ abyšoŭsia niaznačnymi paškodžańniami, ale žyviolina zahinuła i tut.
Jak patłumačyli ŭ DAI, čaściej za ŭsio avaryi z udziełam hetych žyvioł akurat i zdarajucca ŭ kancy leta — pačatku vosieni. U hety čas vadzicielam rajać być vielmi ŭvažlivymi, bo ŭ aleniaŭ i łasioŭ pačynajecca pieryjad honu, pry jakim jany aktyŭna pieramiaščajucca. Samy niebiaśpiečny čas — viačernija i ranišnija pryciemki.
Rekamiendujecca, ubačyŭšy na abočynie žyvioła, maksimalna źmienšyć chutkaść. Jak tłumačać ekołahi, łasi i aleni prymajuć aŭtamabil za drapiežnika i ŭ samy apošni momant kidajucca praz darohu.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ66
Kamientary
Ty nikohda nie srieahiruješ na łosia noċju. Dvie točki hłaz budieš vyiskivať? Łoś niesiotsia s dikoj skorosťju.
V normalnych stranach jesť ohraždienija na trassach s otdielnymi izolirovannymi pieriechodami dla životnych.