«Nie dała ŭtaić infarmacyju ab kantrabandzie cyharet». Stali viadomyja novyja padrabiaznaści spravy «Rabočaha ruchu»
Staŭ viadomy źmiest kryminalnaj spravy «Rabočaha ruchu». U rasparadžeńni inicyjatyvy patrapiŭ dakumient, nakiravany z Upraŭleńnia KDB pa Homielskaj vobłaści kiraŭnictvu Biełaruskaj čyhunki.
U liście, jaki padpisaŭ śledčy Maksim Kancavy, havorycca, što skončanaje rasśledavańnie pa kryminalnaj spravie ŭ dačynieńni da inžyniera Biełaruskaj čyhunki Hanny Abłab. Fihurantami spravy źjaŭlajucca taksama Siarhiej Dziuba i Siarhiej Vajciachovič — rabočyja, jakija pajšli ŭ stačku.
Hannu Abłab abvinavačvajuć u tym, što jana «ŭvajšła ŭ skład ekstremisckaha farmavańnia z metaj ździajśnieńnia złačynstva ekstremisckaj nakiravanaści i akazańnia inšaj dapamohi zamiežnaj dziaržavie, zamiežnaj arhanizacyi i ich pradstaŭnikam u praviadzieńni dziejnaści, nakiravanaj na pryčynieńnie škody nacyjanalnaj biaśpiecy Respubliki Biełaruś». Abłab buduć sudzić za «zdradu dziaržavie» i «ŭdzieł u ekstremisckim farmavańni».
Ale, miarkujučy pa liście z KDB, faktyčna inžynieru BČ inkryminujuć toje, što jana pieradała Siarhieju Vajciachoviču niekatoryja słužbovyja dakumienty. Heta prakamientavali ŭ «Rabočym ruchu»:
«Rabotnicu BČ abvinavačvajuć u tym, što jana raspaviała ab pracoŭnym rasparadku rabotnikaŭ, nie dała ŭtaić infarmacyju ab parušeńniach u pracy čyhunki, kantrabandzie cyharet i pieravozcy vajskovaj techniki. Zatrymlivali zusim nievinavatych, kahości praz čas adpuścili, ale, na žal, nie ŭsich…
Dla padaŭleńnia pratestnych nastrojaŭ rabotnikaŭ roznych arhanizacyj režym uziaŭ u zakładniki ich kaleh. Ludziej buduć sudzić pa videazapisie anłajn-sustrečy, jaki zrabiŭ Alaksiej Hruzinaŭ — ahient KDB z Homiela, bo nijakich surjoznych dokazaŭ nie znajšli».
Čytajcie taksama:
«Zrazumieŭ, što zatrymajuć i vykinuŭsia ź ciahnika». Dziesiaciarych biełarusaŭ buduć sudzić za «zdradu dziaržavie» — padrabiaznaści spravy «Rabočaha ruchu»
Ciapier čytajuć
Zakinutuju siadzibu Bahdanovičaŭ pierarobiać u bucikovy hatel FOTY5
Kamientary