Abaraniaŭ Bachmut, mina prylacieła ŭ akop — jak zahinuŭ dabraachvotnik pałka «Pahonia»
Pabracimy nie nazyvajuć poŭnyja dadzienyja abaroncy Ukrainy i Biełarusi ŭ metach biaśpieki jaho siamji. Viadoma, što sam jon pachodzić z Homielskaj vobłaści, słužyŭ u «Pahoni» kulamiotčykam, apošnija dni svajoj vajny pravioŭ u abaronie Bachmuta — adzinym miescy, dzie ruskija praciahvajuć nasiadać na fonie parazaŭ na inšych učastkach.
«Heta byŭ daśviedčany bajec, u «Pahoni» vajavaŭ ź lipienia. Zahinuŭ tak — byli na abaronie pazicyj pad Bachmutam, dzie nasiadajuć ruskija. Varožaja mina prylacieła naŭprost u akop, amal naŭprost paceliła pa čałavieku. Jany tam byli ŭdvaich, dva z «Pahoni», voś adzin zahinuŭ, a druhi — lohka paranieny. Chłopcu było trochu za 30. Publikavać sapraŭdnyja dadzienyja pakul nie budziem», — skazali «Našaj Nivie» sasłužyŭcy zahinułaha.
Heta pieršy viadomy vypadak hibieli biełarusa z šerahaŭ «Pahoni», jakaja abjadnoŭvaje zbolšaha byłych biełaruskich vajennasłužačych i aficeraŭ siłaŭ śpiecyjalnych apieracyj.
Ličycca, što stvaralnik i idejny kiraŭnik «Pahoni» — padpałkoŭnik biełaruskich pavietrana-desantnych vojskaŭ Valeryj Sachaščyk, jaki sa žniŭnia 2022 hoda staŭ «ministram abarony» u kabiniecie pradstaŭnikoŭ Śviatłany Cichanoŭskaj.
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie14
Kamientary