Baranavickuju hazietu Intex-press pazbavili dziaržaŭnaj rehistracyi
Jak stała viadoma Biełaruskaj asacyjacyi žurnalistaŭ, zahad ab anulavańni paśviedčańnia drukavanaha ŚMI padpisaŭ 30 červienia 2022 hoda ministr infarmacyi Uładzimir Piarcoŭ.
U zahadzie adznačajecca, što «vypusk drukavanaha srodku masavaj infarmacyi nie ažyćciaŭlajecca na praciahu šaści miesiacaŭ zapar», jak taho patrabuje zakon, a tamu paśviedčańnie ab dziaržaŭnaj rehistracyi ŚMI, vydadzienaje haziecie Intex-press u 2009 hodzie, anulujecca. Akramia taho, vydańnie vyklučanaje ź Dziaržaŭnaha rejestra srodkaŭ masavaj infarmacyi.
Hazietu Intex-press admovilisia drukavać u Biełaruskim domie druku ŭ mai 2021 hoda: tady vydańnie — upieršyniu za 26 hadoŭ — vyjšła tolki ŭ elektronnym vyhladzie. Dalejšyja sproby znajści drukarniu pośpiechu nie mieli.
Žorstki presinh z boku ŭładaŭ baranavickaja niezaležnaja hazieta adčuła paśla publikacyi intervju sa Śviatłanaj Cichanoŭskaj, jakoje paźniej pryznali «ekstremisckim materyjałam». Paśla taho ad prodažu vydańnia admovilisia praktyčna ŭsie bujnyja handlovyja sietki Baranavičaŭ, raspaŭsiudžvać hazietu praz padpisku admoviłasia RUP «Biełpošta», skasavaŭ damovu i Brescki filijał HRUP «Biełsajuzdruk».
Taksama pry kancy 2021 hoda Ministerstva infarmacyi Biełarusi abmiežavała dostup da sajta intex-press.by. U adpaviednym zahadzie za podpisam ministra Uładzimira Piarcova padstavaj dla błakiroŭki internet-resursa nazyvajucca «parušeńni zakanadaŭstva ab srodkach masavaj infarmacyi ŭ častcy raźmiaščeńnia infarmacyi, raspaŭsiudžvańnie jakoj zabaronienaje».
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»26
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary