ISW: Ukraincy vyciskajuć byłyja najlepšyja rasijskija častki na ŭschodzie i na poŭdni
Amierykanski instytut vyvučeńnia vajny (ISW) u štodzionnaj zvodcy paćviardžaje, što ŭkrainskaja armija pašyraje zonu kantrolu i na paŭnočnym uschodzie, na kirunkach da Kramiannoj i Svatava, i ŭ Chiersonskaj vobłaści. Pry hetym amierykanskija analityki asabliva adznačajuć, što ŭ hetych rehijonach ukraincam supraćstajać častki, jakija raniej ličylisia adnymi z najlepšych u rasijskaj armii.
«Rasijskija hrupoŭki ŭ Chiersonskaj vobłaści i na Limanskim froncie ŭ vialikaj miery składalisia z častak, jakija da vajny ličylisia adnymi z najlepšych kanviencyjanalnych bajavych častak Rasii», — pišuć amierykanskija analityki. Havorka idzie pra 144-ju hvardziejskuju motastrałkovuju dyviziju ŭ vypadku ź Limanam i 76-ju hvardziejskuju pavietrana-desantnuju dyviziju ŭ vypadku z Chiersonskaj vobłaściu.
ISW, abapirajučysia na paviedamleńni rasijskaha hienštaba, rasijskich vajskoŭcaŭ błohieraŭ, źviestki z ukrainskich krynic, vyniki hieałakacyi zdymkaŭ i videa, piša, što ŭkraincy pašyrajuć zony kantrolu na ŭschod ad Kupianska, Baravoj, Limana, nabližajučysia da haradoŭ Kramiannaja i Svatava i darohi, što ich złučaje.
Analityki paćviardžajuć ISW i infarmacyju ab praryvie ŭkraincaŭ na poŭnačy Chiersonskaj vobłaści.
«Pośpiechi ŭkraincaŭ u Chiersonskaj vobłaści bjuć pa i biez taho ŭžo niestabilnaj rasijskaj infarmacyjnaj prastory. Čynoŭniki rasijskich akupacyjnych administracyj usio bolš abvinavačvajuć vyviedku NATO ŭ tym, što jana vykryvaje słabaści rasijskaj abarony ŭ Chiersonskaj vobłaści, i zaklikajuć rasijskija siły rychtavacca da vuličnych bajoŭ i budavać novyja linii abarony», — piša ISW, spasyłajučysia pry hetym na telehram-kanał čynoŭnika «DNR» Daniiła Biassonava.
U zvodcy ŭkrainskaha hienštaba na ranicu 223 dnia vajny, źviartaje ŭvahu BBC, nie zhadvajucca nasielenyja punkty, paviedamleńniami ab prasoŭvańni ŭ rajonie jakich u apošnija sutki była poŭnaja błahaśfiera: naprykład, vioska Dudčany na bierazie Dniapra ŭ Chiersonskaj vobłaści abo vioska Šyjkoŭki na šlachu da horada Svatava.
Ciapier čytajuć
Na liniejku ŭ «Minsk-Śviecie» pryjšło stolki ludziej, što baćki stajali za płotam. Ale ludzi aburany, što nie ŭsie kłasy paklikali11
Na liniejku ŭ «Minsk-Śviecie» pryjšło stolki ludziej, što baćki stajali za płotam. Ale ludzi aburany, što nie ŭsie kłasy paklikali
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary