Spravu žurnalista «KP v Biełarusi» Hienadzia Mažejki pieradali ŭ sud
Śledčy kamitet zaviaršyŭ rasśledavańnie, prakuratura nakiravała ŭ sud kryminalnuju spravu ŭ dačynieńni da žurnalista «Kamsamolskaj praŭdy ŭ Biełarusi» Hienadzia Mažejki, — paviedamlaje Sputnik.
Papiaredniaje śledstva pa kryminalnaj spravie žurnalista doŭžyłasia amal hod.
Hienadź Mažejka byŭ zatrymany 1 kastryčnika 2021 hoda ŭ Maskvie. Jon byŭ aŭtaram materyjału, u jakim stanoŭča havorycca pra Andreja Zielcera ŭ dziacinstvie. Zielcer padčas šturmu jaho kvatery zabiŭ supracoŭnika KDB Dźmitryja Fiedasiuka.
Mažejku buduć sudzić pa dvuch kryminalnych artykułach — č. 1 art. 130 i č. 1 art. 368 KK.
Sankcyja č. 1 art. 130 (raspalvańnie rasavaj, nacyjanalnaj, relihijnaj ci inšaj sacyjalnaj varožaści) praduhledžvaje da piaci hadoŭ pazbaŭleńnia voli, za abrazu pradstaŭnika ŭłady (č. 1 art. 368 KK) pahražaje da čatyroch hadoŭ pazbaŭleńnia voli.
Mažejka z momantu zatrymańnia znachodzicca pad vartaj, ciapier jaho utrymlivajuć u SIZA №1 u Minsku.
Spravu budzie razhladać Minski haradski sud. Pakul nieviadoma, ci budzie jana razhledžanaja ŭ zakrytym sudovym pasiadžeńni.
-
U Nacyjanalnym mastackim muziei adkryłasia vystava, pryśviečanaja rasijskim pieramoham
-
«400 zorak u p***u». Machlary naduryli školnikaŭ, pradajučy im niapravilnyja adkazy da CT i CE
-
«Napišy «kalenduła» abo «bahun» — budzie toje ž samaje». Jaki smak u biełaruskaha vałoškavaha kvasu, u jakim zusim niama vałošak?
Biełaruski IT-miljarder Hurski: Maju pieršuju žonku zabiŭ hiembler5
Kamientary