«U nas kančajucca ałkaholiki!» Na vajnu biaruć tych, chto pad rukoj
Hałoŭnym kryteryjem dla mabilizacyi stała chutkaść vyjaŭleńnia mužčyn. Na vajnu biaruć tych, chto pad rukoj: staić na ŭliku ŭ narkadyspansierach abo pastajanna hałasuje pa miescy žycharstva, piša telehram-kanał «Možiem objaśniť».
Siarod tych, chto trapiŭ pad pieršuju chvalu — hramadzianie, jakija stajać na ŭliku ŭ narkałahičnych dyspansierach, raspavioŭ «MO» znajomy adnaho z hubiernataraŭ. Hetyja ludzi ŭžo na ŭliku ŭ palicyi, jany mienš mabilnyja i ich lahčej vyjavić pa miescy prapiski.
Kiraŭnik rehijona paskardziŭsia surazmoŭcu «MO»: «U nas kančajucca ałkaholiki». Majecca na ŭvazie toje, što paśla adpraŭki ludziej z ałkaholnaj zaležnaściu składać novyja śpisy stanovicca ŭsio bolš składana.
Pra toje, što mužčyna, jaki žyvie pa prapiscy, maje najvyšejšyja šancy atrymać pozvu, piša «Viorstka» sa spasyłkaj na svaje krynicy ŭ AP i rehijonach.
Čym lahčej mužčynu znajści i załavić — tym chutčej jaho ŭniasuć u śpisy. Pryčym niezaležna ad jaho vajennaj śpiecyjalnaści i katehoryi prydatnaści — biaruć u tym liku i abmiežavana prydatnych praz chraničnyja chvaroby («V»).
Pryčym, rehijony imknucca brać mužčyn «z zapasam», pieravykonvajučy płany Minabarony — heta značyć, nie 1% ad mabilizacyjnaha reziervu terytoryi, a 2-4%. Heta zaležyć ad pratesnaha patencyjału rehijona — čym nasielnictva pasłuchmianiejšaje, tym bolš u hetym rehijonie budzie mabilizavanych.
Jak piša «Astra», dla vyłoŭlivańnia mabilizavanych u Maskvie stali vykarystoŭvać tyja ž technałohii, što dazvalali šukać udzielnikaŭ mitynhaŭ — navabrancaŭ adłoŭlivajuć pa kamierach videanazirańnia, dastaŭlajuć u adździaleńni MUS, a adtul u vajenkamaty.
U Rasii ŭžo mahli mabilizavać 213 tysiač čałaviek z 53 rehijonaŭ, padličyli «Važnyje istorii» i CIT. Napiaredadni Šajhu zajaviŭ, što z 21 vieraśnia ŭ Rasii mabilizavali bolš za 200 tysiač čałaviek. Adnak «bolš za 200 tysiač» — heta tolki kolkaść mabilizavanych u 53 rehijonach Rasii, padličyli žurnalisty ŭ ramkach sumiesnaha daśledavańnia. Heta značyć, što ahulnaja kolkaść mabilizavanych pavinna być bolšaj, čym śćviardžaje Šajhu.
-
Tehieran paćvierdziŭ hibiel Ali Łarydžani. Ź jaho źniščeńniem ułada ŭ Iranie moža pierajści ad fanatykaŭ da prahmatykaŭ
-
«Finski palityk», jakoha štodnia cytujuć kramloŭskija i łukašysckija ŚMI, akazaŭsia santechnikam biez hramadzianstva Finlandyi
-
KVIR paćvierdziŭ hibiel kiraŭnika vajenizavanaha apałčeńnia «Basidž»
Kamientary