Галоўным крытэрыем для мабілізацыі стала хуткасць выяўлення мужчын. На вайну бяруць тых, хто пад рукой: стаіць на ўліку ў наркадыспансерах або пастаянна галасуе па месцы жыхарства, піша тэлеграм-канал «Можем объяснить».
Сярод тых, хто трапіў пад першую хвалю — грамадзяне, якія стаяць на ўліку ў наркалагічных дыспансерах, распавёў «МО» знаёмы аднаго з губернатараў. Гэтыя людзі ўжо на ўліку ў паліцыі, яны менш мабільныя і іх лягчэй выявіць па месцы прапіскі.
Кіраўнік рэгіёна паскардзіўся суразмоўцу «МО»: «У нас канчаюцца алкаголікі». Маецца на ўвазе тое, што пасля адпраўкі людзей з алкагольнай залежнасцю складаць новыя спісы становіцца ўсё больш складана.
Пра тое, што мужчына, які жыве па прапісцы, мае найвышэйшыя шанцы атрымаць позву, піша «Вёрстка» са спасылкай на свае крыніцы ў АП і рэгіёнах.
Чым лягчэй мужчыну знайсці і залавіць — тым хутчэй яго ўнясуць у спісы. Прычым незалежна ад яго ваеннай спецыяльнасці і катэгорыі прыдатнасці — бяруць у тым ліку і абмежавана прыдатных праз хранічныя хваробы («В»).
Прычым, рэгіёны імкнуцца браць мужчын «з запасам», перавыконваючы планы Мінабароны — гэта значыць, не 1% ад мабілізацыйнага рэзерву тэрыторыі, а 2-4%. Гэта залежыць ад пратэснага патэнцыялу рэгіёна — чым насельніцтва паслухмянейшае, тым больш у гэтым рэгіёне будзе мабілізаваных.
Як піша «Астра», для вылоўлівання мабілізаваных у Маскве сталі выкарыстоўваць тыя ж тэхналогіі, што дазвалялі шукаць удзельнікаў мітынгаў — навабранцаў адлоўліваюць па камерах відэаназірання, дастаўляюць у аддзяленні МУС, а адтуль у ваенкаматы.
У Расіі ўжо маглі мабілізаваць 213 тысяч чалавек з 53 рэгіёнаў, падлічылі «Важные истории» і CIT. Напярэдадні Шайгу заявіў, што з 21 верасня ў Расіі мабілізавалі больш за 200 тысяч чалавек. Аднак «больш за 200 тысяч» — гэта толькі колькасць мабілізаваных у 53 рэгіёнах Расіі, падлічылі журналісты ў рамках сумеснага даследавання. Гэта значыць, што агульная колькасць мабілізаваных павінна быць большай, чым сцвярджае Шайгу.
Цяпер чытаюць
«Губазікаўцы схіляюць Калеснікаву да высылкі, але яна не хоча»1
Каментары