U niebie nad Biełharadam i Maskvoj źjavilisia śvietłavyja słupy. Padumali pra novuju zbroju, ale ŭsio bolš banalna
Viečaram 4 kastryčnika ŭ sacyjalnych sietkach raspaŭsiudzilisia fatahrafii ź Biełharada, na jakich byli bačnyja słupy žoŭtaha śviatła, jakija ŭzdymajucca ŭ nieba. U suviazi z tym, što Biełharad znachodzicca pablizu miažy z Ukrainaj, u sacsietkach pačali źjaŭlacca zdahadki, što heta moža być niejak źviazana z vajnoj. U tym, čym heta moža tłumačycca, raźbirałasia «Mieduza».
U apošnija miesiacy nad Biełharadam nieadnarazova naziralisia śviatło i ŭspyški — u asnoŭnym, jany byli źviazanyja z pracaj SPA. Tamu aŭtary niekatorych viersij śćviardžali, što rasijskija vajskoŭcy mahli prymianić niejkuju najnoŭšuju zbroju.
«Siońnia była ŭpieršyniu prymienienaja najnoŭšaja zbroja RF. Pa abstavinach naŭrad ci my daviedajemsia, ale śviačeńnie ŭ niebie siońnia bačyli mnohija,» — zajaviŭ «vajenkar» Andrej Rudenka. Jon raźmiaściŭ u svaim telehram-kanale spasyłku na natatku RIA «Naviny» pad nazvaj «Rasija pravodzić ekśpierymienty z zamiežnymi spadarožnikami, paviedamiła Minabarony».
U ananimnych telehram-kanałach taksama źjavilisia mierkavańni, što toje, što zdaryłasia, nibyta mahło być vynikam pracy łaziernaha kompleksu «Pieraśviet». Hetaja łaziernaja zbroja była anansavanaja prezidentam Uładzimiram Pucinym u sakaviku 2018 hoda. Jak śćviardžali ŭ Minabarony, u tym ža hodzie «Pieraśviety» zastupili na dośledna-bajavoje dziažurstva.
Nijakaj infarmacyi ab charaktarystykach «Pieraśvietu» da hetaha času nie raskryvałasia; nibyta hetyja kompleksy zdolnyja aślaplać spadarožnikavyja sistemy raźviedki praciŭnika, adnak pra ich realnaje prymianieńnie abo paśpiachovyja vyprabavańni ničoha nie paviedamlałasia.
Prykładna ŭ toj ža čas 4 kastryčnika paviedamleńni ab anałahičnym śviačeńni stali źjaŭlacca i ŭ inšych haradach — u pryvatnaści, u Maskvie. Jak heta ŭzhadniałasia ź viersijaj ab prymianieńni zbroi, aŭtary adpaviednych teoryj nie tłumačyli.
U toj ža čas u centry nadvorja «Fobas» patłumačyli, što toje, što adbyłosia — usiaho tolki zvyčajnaja atmaśfiernaja źjava, jakaja nazyvajecca hało — druhasnaje śviačeńnie vakoł krynicy śviatła.
Soniečny słup — adna z častych raznavidnaściaŭ hało. Jon utvarajecca z-za prałamleńnia śviatła ŭ ledzianych kryštalach, uzvažanych u pavietry, i moža naziracca ŭ zimovaje vilhotnaje zacišnaje nadvorje, kali Sonca znachodzicca pad peŭnym vuhłom da haryzontu albo kali na ziamli jość jarkaja krynica śviatła.
«U nas niadaŭna byli daždžy, atmaśfiera vilhotnaja, tamu, mahčyma, u hety momant u atmaśfiery byli čaścinki peŭnaha pamieru, jany mahli kryštalizavacca ŭ takoj formie. Kali śviatło prachodzić praz hetyja čaścinki, to ŭtvarajecca takaja źjava. Mahutnaj krynicaj śviatła ŭ hetym vypadku byli ciaplicy», — zajavili RIA «Naviny» ŭ Biełharadskim univiersitecie.
Miarkujučy pa paviedamleńniach ŚMI, heta nie pieršy vypadak źjaŭleńnia śvietłavych słupoŭ u Biełharadzie. Anałahičnyja fota publikavali ŭ lutym 2020 hoda.
Śvietłavyja słupy ŭ rozny čas nazirali i ŭ inšych rehijonach Rasii — naprykład, u Sankt-Pieciarburhu ŭ śniežni 2021 hoda, u Murmanskaj vobłaści ŭ sakaviku 2019-ha i ŭ Maskvie ŭ studzieni 2015-ha.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary