Stała viadoma, što Łukašenka padaryŭ Pucinu na 70-hodździe
Siońnia ŭ Sankt-Pieciarburhu prachodzić niefarmalny samit SND. Tudy prybyŭ i Łukašenka. Žurnalisty spytali, što jon pryvioz u padarunak Pucinu, jaki siońnia adznačaje 70-hodździe.
Vyjaviłasia, što Łukašenka sapraŭdy pryjechaŭ nie z pustymi rukami. Jon pryvioz Pucinu kaštoŭny padarunak — siertyfikat na traktar Belarus.
Traktar, raspavioŭ Łukašenka, taki ž, na jakim jon i sam pracuje, «najlepšy, ručnoj zborki».
Z dadatkovych ahrehataŭ, dadaŭ Łukašenka, jon prapanuje Pucinu «siejałku» i patłumačyŭ sens padarunka:
kab pasiejać «chleb, moža, jašče niešta», vyraścić i «Dudzie, Maravieckamu, Jeŭropie [adpravić], kab nie haładali, kab nie krali va Ukrainie chleb, a viaźli biednym krainam», niečakana zaviaršyŭ jon.
Jak Pucin, adzin z najbahaciejšych ludziej śvietu (pavodle rasśledavalnikaŭ), jaki amal uvieś čas pravodzić u bunkiery (pavodle roznych insajdaŭ), uspryniaŭ padarunak, nie paviedamlajecca.
Ciapier čytajuć
Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?3
Kamientary