Za paŭstahodździa ŭ śviecie stała na 69% mienš dzikich žyvioł
Z 1970-ha hoda suśvietnaja papulacyja dzikich žyvioł skaraciłasia na 69%. Usiamu vinoj vysiečka lasoŭ, zabrudžvańnie akijana i źmieny klimatu. U cełym dzikich žyvioł na płaniecie z kožnym hodam stanovicca na 2,5% mienš. Pra heta piša Reuters sa spasyłkaj na spravazdaču Suśvietnaha fondu dzikaj pryrody (WWF).
Ekśpierty praanalizavali stan 32 tysiač papulacyj dzikich žyvioł, jakija ŭklučajuć bolš za piać tysiač vidaŭ.
Macniej za ŭsio paciarpieli žychary Łacinskaj Amieryki i Karybskaha basiejna. Tam za paŭstahodździa papulacyi skaracilisia na 94%. Naprykład, ružovych račnych delfinaŭ u brazilskaj Amazonii stała mienš na 65%. Ich kolkaść rezka ŭpała ŭ pieryjad z 1994-ha pa 2016-y hod.
Pa słovach ekśpiertaŭ WWF, pryroda znachodzicca ŭ adčajnym stanoviščy i rujnujecca. Fond zaklikaje raźvityja krainy bolš tracić na prahramy pa zachavańni bijaraznastajnaści płaniety.
Kamientary