Śpiavačka Dolina zajaviła, što ŭsio ž viernie paŭtara miljona dalaraŭ pakupnicy svajoj kvatery
Rasijskaja śpiavačka Łarysa Dolina zajaviła, što viernie 112 miljonaŭ rasijskich rubloŭ (kala 1,45 miljona dalaraŭ) Palinie Łurje — pakupnicy jaje kvatery, jakuju artystka pradała pad uździejańniem machlaroŭ, a paśla pavodle rašeńnia suda atrymała nazad. Pra heta jana skazała ŭ prahramie «Pusť hovoriat» na Pieršym kanale.
Łarysa Dolina adznačyła, što pakul nie maje ŭsioj patrebnaj sumy, ale abiacaje znajści sposab viarnuć hrošy całkam. Pavodle jaje słoŭ, u hetaj historyi paciarpieli i jana, i Łurje: śpiavačku padmanuli telefonnyja machlary, a pakupnica tak i nie atrymała žyllo.
Raniej advakatka Łurje Śviatłana Śvirydzienka raskazvała, što Dolina nibyta prapanoŭvała zaklučyć miravuju damovu i viarnuć hrošy častkami, ale jaje klijentka admoviłasia.
Viasnoj 2024 hoda machlary, vydajučy siabie za supracoŭnikaŭ śpiecsłužbaŭ, pierakanali Dolinu, što jaje bankaŭskija rachunki ŭ niebiaśpiecy, i prymusili pradać kvateru, nibyta kab pahasić «kredyt», aformleny złačyncami. Śpiavačka pradała kvateru za 112 miljonaŭ rubloŭ i pieradała hrošy kurjercy, jakaja taksama stała achviaraj padmanu.
Usiaho ad dziejnaści bandy paciarpieli niekalki čałaviek, a ahulnaja suma škody pieravysiła 300 miljonaŭ rubloŭ (kala 3,9 miljona dalaraŭ). Niekalkich fihurantaŭ spravy asudzili na terminy ad čatyroch da siami hadoŭ.
U sakaviku 2025 hoda sud u Maskvie pryniaŭ rašeńnie viarnuć Dolinaj kvateru. Łurje sprabavała heta abskardzić, ale sud padtrymaŭ śpiavačku jak paciarpiełuju ad machlaroŭ.
Paśla hetaha hramadskaść, błohiery i palityki pačali rezka krytykavać Dolinu i nastojvać, kab jana viarnuła kvateru Łurje. Na fonie skandału častka słuchačoŭ pačała zdavać kvitki na jaje kancerty, a niekatoryja vystupleńni skasavali.
U Minsku adbyŭsia sud, anałahičny vypadku z kvateraj Dolinaj. Jak jon skončyŭsia?
Jak vyhladaje znakamitaja kvatera Dolinaj, praź jakuju śpiavačku źnienavidzieli ŭ Rasii
Hierainia tabłoidaŭ apošniaha času Łarysa Dolina źniałasia ŭ navahodnim šou na BT
«My pad upłyvam jaje pradavali». «Bieła-Koła» ŭvarvałasia ŭ skandał z kvateraj Dolinaj
U Rasii z-za «efiektu Dolinaj» 3000 siemjaŭ zastalisia biez žylla. Ci varta bajacca biełarusam?
Śpiavačka Łarysa Dolina raskazała, što navat pazyčała hrošy, kab addać ich machlaram. Usiaho ź jaje vyciahnuli kala 4 miljonaŭ dalaraŭ
Ciapier čytajuć
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty3
Kamientary
hladzim "Łarisa Dolina o vojnie"...