Hramadstva

Žurnalist Dźmitryj Siemčanka nie vyjšaŭ na volu paśla amal miesiaca na Akreścina

13 kastryčnika ŭ kolišniaha palityčnaha ahladalnika telekanała ANT, eks-kiraŭnika «prezidenckaha puła» žurnalistaŭ zakančvalisia terminy administracyjnych pakarańniaŭ — spačatku 15 sutak nibyta za «drobnaje chulihanstva», a zatym jašče 13 sutak za «raspaŭsiud ekstremisckich materyjałaŭ». Adnak doma jaho rodnyja znoŭ nie dačakalisia, piša Biełaruskaja asacyjacyja žurnalistaŭ.

Pakul sudovaha rašeńnia adnosna dalejšaha losu žurnalista niama. Jak i papiaredni raz, siońnia spačatku jaho dastavili ŭ Frunzienskaje RUUS Minska, a paśla viarnuli nazad na Akreścina.

Pieršapačatkova Dźmitryj Siemčanka zatrymali 15 vieraśnia nibyta za «reposty z ekstremisckich telehram-kanałaŭ». Pakolki siamja vychoŭvaje niepaŭnahadovaha syna, maci abyšłasia štrafam u pamiery 960 rubloŭ, a Dźmitryja aryštavali na 15 sutak — praŭda, užo z novaj farmuloŭkaj «za chulihanstva». Takoje rašeńnie 16 vieraśnia pryniała sudździa Frunzienskaha rajona Minska Julija Bliźniuk.

U vyznačany termin Dźmitryja Siemčanku na svabodu nie vypuścili —— 30 vieraśnia ŭ Frunzienskim RUUS skłali novy pratakoł. Čarhovy sud pryznačyŭ fihurantu pakarańnie terminam 13 sutak administracyjnaha aryštu — hetym razam za «raspaŭsiud ekstremisckich materyjałaŭ». 

29 vieraśnia ŭ kampaniju «Biełahra», dzie Dźmitryj Siemčanka pracavaŭ pres-sakratarom paśla sychodu ź dziaržaŭnaj słužby, pryjšli siłaviki, aryštavali dva dziasiatki śpiecyjalistaŭ ź liku kiraŭnictva i supracoŭnikaŭ. A nieŭzabavie zaviali kryminalnyja i administracyjnyja spravy za ŭdzieł u akcyjach pratestu 2020 hoda i padpiski na «destruktyŭnyja» internet-resursy.

Ale z «Biełahra» sprava pres-sakratara nibyta nie źviazanaja.

Jak stała viadoma słužbie manitorynhu BAŽ, Dźmitryju Siemčanku inkryminavali adrazu dva asobnyja «ekstremisckija» epizody za dopisaŭ u sacsietkach. Takim čynam, za adzin ź ich svaje 13 sutak jon užo adsiedzieŭ, adpaviedna, zastałosia dačakacca, što budzie za druhi.

Kamientary

Ciapier čytajuć

Biełaruski IT-miljarder Hurski: Maju pieršuju žonku zabiŭ hiembler5

Biełaruski IT-miljarder Hurski: Maju pieršuju žonku zabiŭ hiembler

Usie naviny →
Usie naviny

«Usie pytajucca, navošta hetyja viaroŭki ŭ stoli?» Minčuk kupiŭ studyju i pieratvaryŭ jaje ŭ čyłaŭt-zonu1

Nie vyjazdžaŭ ź Biełarusi, a trapiŭ na roŭminh: jak žychar Brestčyny straciŭ hrošy na mabilnaj suviazi

«Adčuŭ siabie kałabkom». 22-hadovy biełarus źbieh z vojska, pažyŭ na niekalkich kantynientach, ale ciapier jamu treba hrošy15

«Da našaj mašyny išła chutčej za milicyjantaŭ». Jak u Miadzielskim rajonie šukali źnikłuju 74-hadovuju žančynu2

Navukoŭcy vyśvietlili, jakija pradukty ŭ racyjonie žančyn siarednich hadoŭ pavyšajuć šancy na zdarovaje stareńnie

Piać hadoŭ tamu ŭ Hrodnie zatrymali Siarhieja Cichanoŭskaha6

«Moj termin paŭnamoctvaŭ padychodzić da kanca». Iłan Mask pakidaje administracyju Trampa4

U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia13

Miadźviedzieŭ raskazaŭ, kolki rasijan padpisali vajskovyja kantrakty, i mocna razyšoŭsia z Pucinym1

bolš čytanych navin
bolš łajkanych navin

Biełaruski IT-miljarder Hurski: Maju pieršuju žonku zabiŭ hiembler5

Biełaruski IT-miljarder Hurski: Maju pieršuju žonku zabiŭ hiembler

Hałoŭnaje
Usie naviny →

Zaŭvaha:

 

 

 

 

Zakryć Paviedamić