Švied rastłumačyŭ, čamu pa amnistyi nie vypuściać palitviaźniaŭ
Pa słovach hienprakurora, takija asoby «ŭjaŭlajuć vialikuju niebiaśpieku dla navakolnych, bo jany zamachvajucca na asnovy kanstytucyjnaha ładu i narmalnaje žyćcio hramadstva».
Andrej Švied padkreśliŭ, što asoby, jakija ździejśnili złačynstvy ekstremisckaj nakiravanaści, ujaŭlajuć vialikuju niebiaśpieku dla navakolnych, bo jany zamachvajucca na asnovy kanstytucyjnaha ładu i narmalnaje žyćcio hramadstva. Tamu pad amnistyju, zakonaprajekt, jaki razhladajecca ŭ parłamiencie, jany nie traplajuć.
Taksama hienprakuror zajaviŭ, što procidziejańnie ekstremizmu jak adnoj z najbolš niebiaśpiečnych prajaŭ, źviazanych z zamacham na kanstytucyjny ład dziaržavy, zachoŭvaje aktualnaść.
«Padziei žniŭnia 2020 hoda pakazali heta z usioj vidavočnaściu. Vykonvajučy daručeńnie kiraŭnika dziaržavy pa naviadzieńni paradku ŭ krainie i harantavańni biaśpiečnych umoŭ pražyvańnia hramadzian, my ŭ samyja karotkija terminy spravilisia z hetaj zadačaj. Siońnia našy ludzi spakojna žyvuć, pracujuć i vychoŭvajuć svaich dziaciej. U pracesie pracy my pastajanna vyvučajem vopyt inšych dziaržaŭ pa supraćdziejańni ekstremizmu».
Andrej Švied zajaviŭ, što naładžana ŭzajemadziejańnie z Rasijaj ab vydačy asob, jakija majuć dačynieńnie da ekstremisckaj dziejnaści. Za apošni čas z Rasii vydadziena siem takich asob.
Usiaho amnistyja zakranie 8,5 tysiač čałaviek, ź miescaŭ pazbaŭleńnia voli vypuściać 1600 čałaviek. Ale siarod ich nie budzie palitźniavolenych.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ1
Kamientary
Zato pod nohami nie krutiatsia, nie miešajut vłasť dieržať i vorovať.
Vypustiat samych zakonoposłušnych i łojalnych vłasti łukašienko.
A začiem tohda, švied, sažał etich dobrych ludiej ???