Minskaje «Dynama» prajhrała ŭ niadzielu na svaim poli «Šachcioru», i BATE, kab stać šaścirazovym čempijonam krainy, dastatkova vyjhrać u paniadziełak u «Naftana».
4 kastryčnika prajšli šeść matčaŭ 22-ha turu čempijanatu Biełarusi pa futbole ŭ vyšejšaj lizie.
U Minsku, na stadyjonie ŭ Kuncaŭščynie, «Dynama» niečakana sastupiła salihorskamu «Šachcioru» – 0:1. Na 54-j chvilinie adziny miač u sustrečy zabiŭ Alaksandr Hreńkoŭ.
Za čatyry tury da finišu adryŭ BATE ad «Dynama» składaje dziesiać bałaŭ (50 suprać 40 bałaŭ),
i kab u šosty raz stać čempijonam Biełarusi pa futbole (1999, 2002, 2006, 2007, 2008) BATE dastatkova ŭ šaści pazastałych matčaŭ nabrać try bały.
Matč 22-ha turu BATE praviadzie ŭ paniadziełak, 5 kastryčnika, u Barysavie suprać «Naftana».
Pačatak a 19-j.
Aproč taho,u BATE u zapasie pieraniesieny matč sa «Smarhońniu».
***
Inšyja vyniki: «Dniapro» – «Homiel» – 2:0, «Dynama» Brest – «Viciebsk» – 3:0, «Smarhoń» – MTZ-RIPA – 0:4, «Nioman» – «Hranit» – 0:0, «Minsk» – «Tarpieda» – 0:4.
***
Paśla 22 turaŭ: BATE – 50 (20 hulniaŭ), «Dynama» Minsk – 40, «Dniapro» – 36, «Tarpieda», «Šachcior» – 35, «Naftan» – 32, «Dynama» Brest – 31, «Homiel», «Nioman», MTZ-RIPA – 28, «Viciebsk» – 25, «Minsk» – 24, «Hranit» – 22, «Smarhoń» – 10 (21 hulnia).
23-ci tur projdzie 18 kastryčnika.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki42
Kamientary