Hramadstva55

Na Ščučynščynie pačałasia restaŭracyja Małamažejkaŭskaj carkvy ŭ Muravancy

U Muravancy Ščučynskaha rajona na minułym tydni pačałosia adnaŭleńnie Małamažejkaŭskaj carkvy Rastva Praśviatoj Baharodzicy. Na heta byli ŭkazam Łukašenki vydzielenyja 500 tysiač sa śpiecyjalnaha fondu pa padtrymcy kultury i mastactva, piša rajonnaja hazieta «Dziańnica».

 

Pavodle paviedamleńnia rajonki, ciapier zaviaršajecca ŭstalavańnie ryštavańniaŭ vakoł chrama i pačynajecca ačystka cehły z paralelnaj restaŭracyjaj tynkoŭki. Płanujecca taksama praviadzieńnie łakalnaha ramontu miednaha dachu i restaŭracyja kryžoŭ, što znachodziacca na chramie. 

Važnaj častkaj adnaŭleńnia stanie poŭnaja zamiena vadaściokavaj sistemy. Zaraz sistema nie spraŭlajecca z pryjomam vialikaj kolkaści vady, heta ŭ svaju čarhu maje razburalny efiekt dla ŭsiaho budynka.

 Adnaŭlenčyja raboty na abjekcie vykonvajucca siłami TAA «SMP-128». Hetaja arhanizacyja ź Minska raniej restaŭravała kompleks budynkaŭ na płoščy Svabody i hałoŭpaštamt u Minsku, pałac u Žyličach Kiraŭskaha rajona. Zaraz arhanizacyja zaviaršaje pracy ŭ Žyrovickim manastyry.

 U adnaŭleńni buduć udzielničać, jak paviedamlajecca, vosiem tynkoŭščykaŭ, dva cieślary i dva strachary. 

Małamažejkaŭskaja carkva — pomnik architektury XVI stahodździa. Heta adzin z prykładaŭ abarončaha chrama, vielmi redkich u Biełarusi. Akramia hetaj carkvy, padobnaja jość jašče tolki ŭ Synkavičach na Słonimščynie.

Kamientary5

  • Mojša
    30.10.2022
    Užo strašna
  • fcf
    30.10.2022
    Niaŭžo cybulin panaviešajuć? Ci abrazoŭ ź Mikałajem-kryvavym i Alaksandram-apošnim?
  • Valadzimir
    31.10.2022
    Mahčyma, z hetym unikalnym pomnikam zrobiać toje samaje, što i z "Čyrvonym" kaściołam u Minskie. Nahadaju, što ŭ Čyrvonaha kaścioła padramantavali i pierafarbavali cehłu muroŭ i viežaŭ - z admietnaha čyrvona-karyčnavaha koleru (z-za čaho kaścioł i nazyvali "Čyrvonym") u "narmalny" karyčnievy "cahlany" koler.  Švy taksama padramantavali i pafarbavali. I ciapier niekali Čyrvony kaścioł užo nie "čyrvony", a zvyčajny "cahlany".
    Navat na hetych pryviedzienych fotazdymkach Małamažejkaŭskaj carkvy dobra bačna, što cehła muroŭ u drennym stanie, šmat dzie razburajecca, i jaho, sapraŭdy, nieabchodna adnavić i ŭmacavać.  Voś tolki pytańnie - jak heta budzie zroblena i što atrymajecca ŭ vyniku? Miarkuju, vielmi vierahodna, što padramantavaŭšy cehłu i švy, "restaŭratary" z TAA "SMP-128", kab "novyja" adramantavanyja učastki nie adroźnivalisia ad "starych", pafarbujuć całkam usie cahlanyja mury i viežy chrama ŭ novy "krasivyj" adnatonny koler, jaki - a voś u hetym ja pierakanany, - budzie istotna adroźnivacca ad aŭtentyčnaha koleru.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Usie naviny →
Usie naviny

Jakija karysnyja vykapni jość va Ukrainie?2

Ejsmanty na «Majbachu», Baskaŭ na «Bentli». Chakiejny siezon u Minsku zakryli z šykam-blaskam43

Kampanija A1 zapuściła svajo taksi. Dzie ciapier tańniej?2

Litva i Polšča zdahnali Izrail pa VUP na dušu nasielnictva12

U Danii aŭtamabil urezaŭsia ŭ natoŭp ludziej — paciarpieli minimum 11 čałaviek1

Napali i paranili ŭkrainskaha błohiera Siarhieja Ściarnienku34

Azaraŭ: Dumaju, Mielnikava pajechała adpačyvać na Kubu37

Reanimatołah Martaŭ raskazaŭ, jak vyratavaŭ žančynu z čatyrma skraznymi ranieńniami serca5

«Absalutny chaos». Kamała Charys raskrytykavała Trampa ŭ pieršaj pramovie paśla parazy na vybarach8

bolš čytanych navin
bolš łajkanych navin

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Hałoŭnaje
Usie naviny →

Zaŭvaha:

 

 

 

 

Zakryć Paviedamić