Грамадства55

На Шчучыншчыне пачалася рэстаўрацыя Маламажэйкаўскай царквы ў Мураванцы

У Мураванцы Шчучынскага раёна на мінулым тыдні пачалося аднаўленне Маламажэйкаўскай царквы Раства Прасвятой Багародзіцы. На гэта былі ўказам Лукашэнкі выдзеленыя 500 тысяч са спецыяльнага фонду па падтрымцы культуры і мастацтва, піша раённая газета «Дзянніца».

 

Паводле паведамлення раёнкі, цяпер завяршаецца ўсталяванне рыштаванняў вакол храма і пачынаецца ачыстка цэглы з паралельнай рэстаўрацыяй тынкоўкі. Плануецца таксама правядзенне лакальнага рамонту меднага даху і рэстаўрацыя крыжоў, што знаходзяцца на храме. 

Важнай часткай аднаўлення стане поўная замена вадасцёкавай сістэмы. Зараз сістэма не спраўляецца з прыёмам вялікай колькасці вады, гэта ў сваю чаргу мае разбуральны эфект для ўсяго будынка.

 Аднаўленчыя работы на аб’екце выконваюцца сіламі ТАА «СМП-128». Гэтая арганізацыя з Мінска раней рэстаўравала комплекс будынкаў на плошчы Свабоды і галоўпаштамт у Мінску, палац у Жылічах Кіраўскага раёна. Зараз арганізацыя завяршае працы ў Жыровіцкім манастыры.

 У аднаўленні будуць удзельнічаць, як паведамляецца, восем тынкоўшчыкаў, два цесляры і два страхары. 

Маламажэйкаўская царква — помнік архітэктуры XVI стагоддзя. Гэта адзін з прыкладаў абарончага храма, вельмі рэдкіх у Беларусі. Акрамя гэтай царквы, падобная ёсць яшчэ толькі ў Сынкавічах на Слонімшчыне.

Каментары5

  • Мойша
    30.10.2022
    Ужо страшна
  • фцф
    30.10.2022
    Няўжо цыбулін панавешаюць? Ці абразоў з Мікалаем-крывавым і Аляксандрам-апошнім?
  • Valadzimir
    31.10.2022
    Магчыма, з гэтым унікальным помнікам зробяць тое самае, што і з "Чырвоным" касьцёлам у Мінске. Нагадаю, што ў Чырвонага касьцёла падрамантавалі і перафарбавалі цэглу муроў і вежаў - з адметнага чырвона-карычнавага колеру (з-за чаго касьцёл і называлі "Чырвоным") у "нармальны" карычневы "цагляны" колер.  Швы таксама падрамантавалі і пафарбавалі. І цяпер некалі Чырвоны касьцёл ужо не "чырвоны", а звычайны "цагляны".
    Нават на гэтых прыведзеных фотаздымках Маламажэйкаўскай царквы добра бачна, што цэгла муроў у дрэнным стане, шмат дзе разбураецца, і яго, сапраўды, неабходна аднавіць і ўмацаваць.  Вось толькі пытаньне - як гэта будзе зроблена і што атрымаецца ў выніку? Мяркую, вельмі верагодна, што падрамантаваўшы цэглу і швы, "рэстаўратары" з ТАА "СМП-128", каб "новыя" адрамантаваныя участкі не адрозьніваліся ад "старых", пафарбуюць цалкам усе цагляныя муры і вежы храма ў новы "красівый" аднатонны колер, які - а вось у гэтым я перакананы, - будзе істотна адрозьнівацца ад аўтэнтычнага колеру.

Цяпер чытаюць

Выбітыя дзверы, маскі-шоу, затрыманне топ-менеджараў. Пачаўся пагром «Еўраопта»13

Выбітыя дзверы, маскі-шоу, затрыманне топ-менеджараў. Пачаўся пагром «Еўраопта»

Усе навіны →
Усе навіны

«Паказваеце сваё грэблівае стаўленне да людзей». Бондарава асудзіла істэрыку Азаронка і Пуставога, выкліканую праблемамі з бульбай15

Германія павялічыць выдаткі на абарону больш, чым удвая4

Новы Папа гуляе ў тэніс кожны тыдзень — у яго магутная падача2

З беларускіх крамаў знікла цыбуля. А што здарылася?20

У цэнтры Мінска зачыніўся рэстаран «на мільён»3

Адміністратарку беларускай Вікіпедыі кінулі на суткі6

Польскія памежнікі заявілі, што з беларускага боку мігрантам дапамагалі людзі ў форме2

У двары з’явіцца басейн. Якія навінкі чакаюць грамадскія лазні Мінска

Навукоўцы здолелі прачытаць рукапіс, які згарэў амаль 2000 гадоў таму

больш чытаных навін
больш лайканых навін

Выбітыя дзверы, маскі-шоу, затрыманне топ-менеджараў. Пачаўся пагром «Еўраопта»13

Выбітыя дзверы, маскі-шоу, затрыманне топ-менеджараў. Пачаўся пагром «Еўраопта»

Галоўнае
Усе навіны →

Заўвага:

 

 

 

 

Закрыць Паведаміць