Na hałoŭnaha doktara minskaj balnicy zaviali spravu za «niezakonnyja nadbaŭki»
Prakuratura Zavodskaha rajona Minska zaviała kryminalnuju spravu pa padazreńni hałoŭnaha doktara adnoj z klinik u pieravyšeńni słužbovych paŭnamoctvaŭ, jakoje paciahnuła ciažkija nastupstvy.
«U žniŭni 2021 hoda jon adnaasobna, biez vyniasieńnia na abmierkavańnie nazvanaj kamisii pytańnia ab pavieličeńni pracenta nadbavak šerahu supracoŭnikaŭ ustanovy achovy zdaroŭja, pryniaŭ takoje rašeńnie i pavialičyŭ asobnym śpiecyjalistam pracent nadbaŭki za składanaść i napružanaść u pracy da 71,5%. Hetaja nadbaŭka finansujecca za košt srodkaŭ miascovaha biudžetu», — havorycca ŭ paviedamleńni prakuratury.
Dziakujučy hetamu miedyki «niezakonna atrymlivali nadbaŭku» da žniŭnia 2022 hoda, tym samym dziaržavie byŭ naniesieny ŭron pamieram zvyš 119 tys.rubloŭ.
Na hałoŭnaha doktara zaviali kryminalnuju spravu pa č. 2 art. 424 (Złoŭžyvańnie ŭładaj abo słužbovymi paŭnamoctvami, jakoje paciahnuła ciažkija nastupstvy) Kryminalnaha kodeksa Biełarusi.
Maksimalnaje pakarańnie pavodle hetaha artykuła praduhledžvaje da 10 hadoŭ pazbaŭleńnia voli.
Jakaja klinika ci balnica, u paviedamleńni Hienprakuratury nie nazyvajecca.
Kamientary