U małaryckim restaranie mužčyna vybiŭ kresła z-pad noh siabroŭki, kali jana na im tančyła
U Małarycie pachod u restaran skončyŭsia dla 56‑hadovaj žančyny traŭmami. Jana razam sa znajomym adznačała dzień naradžeńnia siabra. Paśla ŭžyvańnia ałkaholu, sa słoŭ mužčyny, žančyna pavodziła siabie niedarečna. Jon sprabavaŭ supakoić jaje razmovami, ale biezvynikova, piša pres-słužba Dziaržaŭnaha kamiteta sudovych ekśpiertyz.
U niejki momant śviatkavańnia žančyna vyrašyła tančyć, uźlezšy na kresła. Paśla taho razzłavany mužčyna vybiŭ kresła z-pad jaje noh, i jana ŭpała.
Na nastupny dzień paciarpiełaja źviarnułasia ŭ milicyju z zajavaj. Pavodle vysnoŭ śpiecyjalistaŭ, u žančyny vyjavili pierałom nižniaj treci pramianiovaj kostki, uščamleńnie miakkich tkanak zapiaścia i siniaki. Ekśpierty Dziaržaŭnaha kamiteta sudovych ekśpiertyz pa Bresckaj vobłaści adnieśli hetyja traŭmy da mienš ciažkich — z doŭhim razładam zdaroŭja na termin da čatyroch miesiacaŭ.
Ekśpierty adznačyli, što charaktar traŭmaŭ pry padzieńni, u tym liku z vyšyni ŭłasnaha rostu, zaležyć ad pavierchni, na jakuju čałaviek padaje, i ad taho, jakoj častkaj cieła prymajecca ŭdar. Paškodžańni mohuć być samymi roznymi — ad lohkich udaraŭ i drapin da surjoznych pierałomaŭ i strasieńnia mozhu.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary
[Zredahavana]