Top-mieniedžara life:) asudzili za «źliŭ źviestak» i «raspalvańnie varožaści» da 8 hadoŭ kałonii
U Minskim haradskim sudzie vynieśli žorstki prysud adnamu z top-mieniedžaraŭ mabilnaha apieratara life:) Arciomu Voŭnie — 8 hadoŭ kałonii va ŭmovach uzmocnienaha režymu, paviedamlaje «Viasna».
Jaho asudzili pa troch artykułach Kryminalnaha kodeksa: č. 3 art. 130 (raspalvańnie inšaj sacyjalnaj varožaści), č. 1 art. 179 (niezakonnyja zbor abo raspaŭsiudžvańnie infarmacyi ab pryvatnym žyćci), art. 352 (niepravamiernaje zavałodańnie kampjutarnaj infarmacyjaj).
Padrabiaznaści spravy nieviadomyja, bo sud prachodziŭ u zakrytym režymie. Viadoma tolki, što jašče z Voŭny spahnali na karyść paciarpiełych (mierkavana, siłavikoŭ i čynoŭnikaŭ) ahułam 13 000 rubloŭ.
Prysud vyniesła sudździa Valancina Ziańkievič.
Kamientary