Pad patreby Biełaruskaj nacyjanalnaj bijatechnałahičnaj karparacyi addaduć cełyja rajony
Dla zabieśpiačeńnia Biełaruskaj nacyjanalnaj bijatechnałahičnaj karparacyi (BNBK) syravinaj buduć vykarystoŭvać ziemli adrazu niekalkich rajonaŭ Mahiloŭskaj i Minskaj abłaściej. Va ŭradzie raskazali, jakija ziemli piarojduć da karparacyi ŭ najbližejšy čas, piša Office Life.
Jak raskazaŭ u efiry «Biełaruś 1» namieśnik premjer-ministra Leanid Zajac, na hetych ziemlach płanujuć vyroščvać prykładna 700 tys. ton zbožža dla vytvorčaści kambikarmoŭ i aminakisłot.
«Uvieś Puchavicki rajon adydzie pad BNBK, — skazaŭ Leanid Zajac. — Napieradzie jašče Bychaŭski rajon, jaki adydzie mienavita pad BNBK. My razhladajem siońnia Biarezinski rajon, razhladajem častku terytoryj Červieńskaha rajona».
Raniej paviedamlałasia, što BNBK u asobie kampanii «BNBK-Ahra» ŭ krasaviku atrymała ŭ kiravańnie dzieviać sielhaspradpryjemstvaŭ u Hłuskim i Babrujskim rajonach, a da hetaha — u Asipovickim. U vyniku, pa dadzienych na kaniec vieraśnia, BNBK stała najbujniejšym ziemlekarystalnikam krainy, jaje ziamielny bank skłaŭ kala 115 tys. ha.
Leanid Zajac raskazaŭ pra ekanamičnuju metazhodnaść pracy BNBK: sabiekošt biełaruskaha zbožža ciapier składaje 100 dalaraŭ, z 3 ton zbožža možna atrymać 1 tonu treaninu, z 5 ton — 1 tonu lizinu, a košt hetych aminakisłot — 8 tys. dalaraŭ za tonu.
Taksama Zajac padkreśliŭ, što z 1 kastryčnika ŭ Biełarusi zabaroniena kuplać za miažoj pradukcyju, jakaja budzie vyrablacca na mahutnaściach BNBK.
Zavody pa vytvorčaści aminakisłot i kambikarmoŭ aficyjna byli zapuščanyja 4 listapada, a startavała budaŭnictva ŭ 2019 hodzie. U BNBK, akramia biełaruskaj dziaržavy, inviestujuć kampanii i biznesmieny z Kitaja i Kyrhyzstana.
Čytajcie taksama:
Łukašenka pajechaŭ adkryvać zavod, jaki ŭžo amal hod jak pracuje
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ66
Kamientary
Intieriesno, žitieli tiech rajonov ot tiech 8 000 baksov choť čto to uvidiat?
Ili vsie v kitaj pojdiet v sčiet krieditov?
Vpročiem uvidiat koniečno - piesticidy i hierbicidy, oni ž tožie dienieh stojat.
Sovriemiennyje tiechnołohii pozvolajut opierirovať etimi ciframi vpołnie.
Rieċ idiet nie ob izvlečienii aminokisłot iz zierna ,a o mikrobiołohičieskom sintiezie onych ,ispolzuja zierno kak substrat.
Zdieś vsieho liš vopros ċji tiechnołohii i oborudku kupili.
Łohično priedpołožiť ,čto kitajcy prodali za svoj kriedit svoje žie oborudovanije.