Hetuju zadaču na łohiku vy zmožacie rašyć chutčej, čym paśpiejecie źjeści jabłyk. Chacia… Moža i nie.
Zadača
Vy pracujecie na składzie, dzie jabłyki i apielsiny rasfasoŭvajuć u skrynki. Adzin raz mašyna dla naleplivańnia etykietak sapsavałasia i stała niapravilna paznačać skryni z sadavinaj.
Vaš kaleha vyrašaje pahulać u hulniu. Jon padymaje try skryni i kaža vam, što ŭ adnoj ź ich tolki jabłyki; u druhoj — tolki apielsiny; a ŭ apošniaj jość i jabłyki, i apielsiny. Vy bačycie, što adna skrynia paznačana litaraj «Ja» dla jabłykaŭ, druhaja paznačana «A» dla apielsinaŭ, a treciaja paznačanaja «Ja+A». Vaš kaleha nahadvaje vam, što ŭsie try skryni pramarkiravanyja pamyłkova.
Vy pavinny abrać adnu skryniu, ź jakoj vaš kaleha vyciahnie frukt i pakaža vam. Vy možacie zrabić heta tolki adzin raz. To jak ža možna z adnoj sproby biez sumnievu vyznačyć, u jakoj skryni jabłyki, u jakoj apielsiny, a ŭ jakoj jany ŭpieramiešku?
Padkazka
Vam nie patrebna padkazka, ale Popular Mechanic usio ž prapanuje jaje dla samych lanivych: kali vaš kaleha vyciahvaje sa skryni sadavinu z nadpisam «A», a vy bačycie jabłyk, to vy nie možacie dakładna skazać, ci ŭ hetaj skryni tolki jabłyki, ci jabłyki razam z apielsinami. Ale što b vy daviedalisia, kali b jon vyciahnuŭ jabłyk sa skryni z nadpisam «Ja+A»?
Adkaz znojdziecie pad fota.
Rašeńnie
Adziny sposab być całkam upeŭnienym, što vy viedajecie, u jakich skryniach jakaja sadavina, — heta kali vy paprosicie kalehu vyciahnuć frukt sa skryni «Ja+A». Vy viedajecie, što skrynia niapravilna paznačana, tamu sadavina ŭ joj nie moža być upieramiešku: tam albo tolki jabłyki, albo vyklučna apielsiny. Takim čynam, kali jon dastaje jabłyk sa skryni «Ja+A» — to ŭ joj tolki jabłyki. Kali jon vyciahvaje apielsin — to tam apielsiny.
Dapuścim, jon dastaje jabłyk sa skryni «Ja+A». Ciapier vy viedajecie, što ŭ skryni z nadpisam «A» nie mohuć być tolki jabłyki, bo jana ž niapravilna pramarkiravana. Takim čynam, u skryni «Ja+A» znachodziacca tolki jabłyki; u skryni «A» pavinny być i jabłyki, i apielsiny; u vyniku čaho ŭ skryni «Ja» zastajucca tolki apielsiny.
-
«Viartajciesia, kali daraściacie». Adzin z samych darahich restaranaŭ Minska šakuje svajoj kamunikacyjaj
-
Ajcišnica, jakaja viarnułasia z emihracyi, pachvaliłasia, što idzie vystupić na ANT — u kamientarach adkryŭsia partał u piekła
-
Słova «Unavatuna» značyć «raj». Dzie na Šry-Łancy adpačyvała Mielnikava
Ciapier čytajuć
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»13
Kamientary
vy čto - nie znali, čto azart - eto bolezń?
p.s.n. jeśli čto - mohu tielefončik vieličajšieho śpiecialista izbavlajuŝieho ot vsiech zavisimostiej na śvietie podskazať