Pa Dniapry siońnia ŭdaryli drony-kamikadze, paranienyja čatyry čałavieki
Kiraŭnik Dnieprapiatroŭskaj abłasnoj administracyi Valancin Raźničenka paviedamiŭ, što nočču na Dniepr napali bieśpiłotniki-kamikadze.
Pavodle jaho słoŭ, «piać bojeprypasaŭ naša SPA źniščyła». «Jość papadańni. U Dniapry bieśpiłotniki trapili ŭ łahistyčnaje pradpryjemstva. Paranienyja čaćviora jaho supracoŭnikaŭ. Usie ŭ balnicy. Troje ciažkija», — napisaŭ u svaim telehram-kanale Reźničenka.
Jon dadaŭ, što ŭ vyniku ŭdaru pačaŭsia mocny pažar na płoščy 3 tysiačy kvadratnych mietraŭ, jaki ŭžo patušany. «Razburanyja składy pradpryjemstva», — napisaŭ jon, nie ŭdakładniajučy, pra jakoje mienavita pradpryjemstva idzie havorka.
Akramia taho, pa słovach kiraŭnika abładministracyi, armija RF naniesła ŭdar z ustanovak «Hrad» i ciažkaj artyleryi pa Nikapalskim rajonie (jon znachodzicca na bierazie Dniapra, nasuprać akupavanaj armijaj RF Zaparožskaj AES). Paciarpiełych ad hetych abstrełaŭ, pa jaho słovach, nie było.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary