U siezon harbuzoŭ i šeraha nadvorja — samy čas dla jarkich kulinarnych ekśpierymientaŭ. Pasprabujcie pryhatavać hetu stravu z aryjentalnym prysmakam i nasyčanym vodaram na ŭsiu kuchniu. Usio hatujecca ŭ adnym rondali.
Fota: minimalistbaker.com
Nam spatrebicca:
- 1 vialikaja cybulina
- 2 zubčyki časnaku
- 1 č.ł. čyrvonaj pasty kary
- 400 hr. harbuza
- 3 bulbiny
- 300 hr. kviacistaj kapusty
- 1 słoik kakosavaha małaka
- 1 šklanka bulonu (z aharodniny ci kurynaha)
- 200 hr. kurynaha file (možna zamianić na 200 hr. varanaha nutu)
- žmienia arachisu ci kiešju
- kinza
- alej
U rondali ci hłybokaj patelni hrejem 2 st.ł. aleju. Časnok i cybulu drobna režam i dadajom da aleju razam z pastaj kary. Dajom niekalki chvilin padsmažycca.
Nastupnymi dadajom kavałki kurynaha file. Smažym chvilinak 7. Kali zamiest kurycy ŭ vas nut, to dadajom jaho razam z aharodninaj.
Bulbu i harbuz narazajem kubikami. Dadajom u rondal bulbu, harbuz i kviacistuju kapustu, nalivajem kakosavaje małako i bulon. Dajom zakipieć, nakryvajem nakryŭkaj i tušym chvilin 25—30 na maleńkim ahni.
Padajom z areškami, padsmažanymi na suchoj patelni, i halinkami kinzy. Najlepšym harniram tut budzie pryhatavany rys, naprykład basmaci.
Smačna jeści!
Kamientary
ź jakim ź jakim?
Red. doŭha heta słova sačyniaŭ?
nie nu. vy ździekujeciesia?