Prezident Ukrainy ŭpeŭnieny, što Maskva choča damahčysia «pieradyški» ŭ bajavych dziejańniach, a nie zakančeńnia kanfliktu.
Prezident Ukrainy Uładzimir Zialenski ličyć, što Rasija nie choča miru, a «karotkaterminovaha pieramirja», «pieradyški» ŭ bajavych dziejańniach dla adnaŭleńnia sił. Ab hetym jon zajaviŭ u chodzie anłajn-vystupleńnia na mižnarodnym forumie pa biaśpiecy ŭ Halifaksie.
Na dumku Zialenskaha, «niekatoryja mohuć nazvać heta kancom vajny, ale takaja pieradyška tolki pahoršyć situacyju». Jon zajaviŭ, što sastupki ŭ pytańniach terytaryjalnaj cełasnaści abo suvierenitetu Ukrainy i inšyja «amaralnyja kampramisy» nie pryviaduć da miru, dasiahnuć jaho možna tolki ŭ vyniku «poŭnaha demantažu ŭsich elemientaŭ rasijskaj ahresii».
Zialenski nahadaŭ, što va ŭkrainskaj «formule miru», jakuju jon pradstaviŭ udzielnikam samitu G20, dziesiać punktaŭ, u tym liku vyvad rasijskich vojskaŭ, vyzvaleńnie ŭsich pałonnych, enierhietyčnaja, charčovaja i jadziernaja biaśpieka.
«Heta vykliki, jakija nieabchodna pieraadoleć dla biaśpieki Ukrainy, Jeŭropy i śvietu. <…> Heta adziny šlach da sapraŭdnaha miru», — pierakanany jon.
-
Piaty NPZ u Rasii spyniŭ pierapracoŭku nafty paśla ataki bieśpiłotnikaŭ
-
Kolkaść zahinułych u Kijevie praz rasijskuju ataku dasiahnuła 25 čałaviek
-
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary