Pad Pružanami adnaviaskoŭcy žorstka raspravilisia ź piensijanierkaj
Zabojstva 85-hadovaj babuli ź vioski Roŭbick adbyłosia ŭ jaje ŭłasnym domie 18 listapada, paviedamlaje milicejski telehram-kanał.

U złačynstvie padazrajuć susiedziaŭ: 46-hadovaha mužčynu i jaho 33-hadovuju žančynu. Kažuć, jany mocna źbivali zahinułuju, u tym liku vykarystoŭvajučy padručnyja pradmiety, dušyli i rezali. Usio z-za 90 rubloŭ.
Na nastupny dzień u vioscy Zapolle pad Pinskam straciŭ žyćcio i 35-hadovy biespracoŭny ź vioski Haleva.
Mužčyna apynuŭsia ŭ haściach, dzie pasvaryŭsia z 30-hadovym miascovym žycharom. Apošni byŭ pjany i ŭdaryŭ apanienta nažom u hrudzi. Ad ranieńnia ŭ serca toj pamior u balnicy.
Matyvy złačynstvaŭ vyśviatlajuć śledčyja. Na ŭsich fihurantaŭ zaviali kryminałku pa faktach zabojstva. Jany zatrymanyja.
Kamientary