Da 10 hadoŭ kałonii — čatyroch palitźniavolenych salihorcaŭ asudzili na vialikija terminy
U Minskim abłasnym sudzie ahučyli prysud čatyrom palitźniavolenym žycharam Salihorščyny. Sudździa Alena Miśnik pryznačyła pa «pratesnych artykułach» mužu i žoncy Alehu i Taćcianie Birulam — pa 6 hadoŭ kałonii, trenieru Alehu Haŭryłavu — 10 hadoŭ kałonii, Siarhieju Pasiuku — 5,5 hoda kałonii, piša «Viasna».
Ich zatrymali za raspaŭsiud «pratesnych» haziet 13 śniežnia 2021 hoda, ale padčas śledstva śpis artykułaŭ Kryminalnaha kodeksa, pa jakich ich abvinavačvali, vyras da piaci.
Zhodna z materyjałami spravy, sa studzienia pa luty 2021 hoda salihorcy nanosili na abjekty infrastruktury nadpisy i malunki, «ździajśniajučy ich psavańnie». Taksama jany raspaŭsiudžvali ŭlotki i haziety «ekstremisckaha» źmiestu.
Ahułam čatyroch palitviaźniaŭ asudzili pa nastupnych artykułach Kryminalnaha kodeksa:
- č. 2 art. 367 (paklop u dačynieńni da Łukašenki);
- art. 341 (apahańvańnie zbudavańniaŭ i psavańnie majomaści);
- č. 3 art. 130 (raspalvańnie inšaj sacyjalnaj varožaści);
- č. 1 art. 361 (zakliki da mier abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacbiaśpiecy Biełarusi);
- č. 1 art. 361-4 (sadziejničańnie ekstremisckaj dziejnaści).
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio11
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary