Pamior rečycki milicyjant Vadzim Šurmiel. Pra heta paviedamlaje «Fłahštok».
Infarmacyju pra śmierć Šurmiela ŭskosna paćvierdzili ŭ Rečyckim RAUSie. «Niama bolš takoha!» — paviedamiŭ dziažurny.
Pachavańnie prajšło ŭ subotu, a kala haradskich mohiłak žychary horada nazirali kałonu ź milicejskich mašyn. U Vadzima Šurmiela zastałosia troje dziaciej.
Major Vadzim Šurmiel u apošnija hady pracavaŭ staršym učastkovym inśpiektaram milicyi Rečyckaha RAUSa na čatyroch sielskich administracyjnych učastkach. Akramia charakternaj dla ŭčastkovaha inśpiektara dziejnaści, pavodle «Fłahštoka», jon zajmaŭsia pieraśledam aktyvistaŭ.
Rečycki aktyvist uzhadvaje pra dziejnaść inśpiektara:
«Jon [Šurmiel] pa palityčnych pracavaŭ, pieraśledavaŭ u sacsietkach, vioŭ pierapiski, typu ja narmalny, na vašym baku, viartajciesia ŭ Rečycu. Išoŭ na zbližeńnie, sprabujučy daviedacca infarmacyju».
U 2020 hodzie Šurmiel składaŭ pratakoły na ŭdzielnikaŭ mirnych šeściaŭ pa artykule 23.34. Jak praviła, paśla suda pa hetym artykule žychary Rečycy adpraŭlalisia na sutki ŭ IČU.
U 2021 hodzie Vadzim Šurmiel vioŭ spravu rečyčanina Alaksandra Rybčankova, jakuju sud viarnuŭ na dapracoŭku. Alaksandr abvinavačvaŭsia ŭ tym, što pravioŭ pikiet biez atrymańnia dazvołu Rečyckaha AUS. Pikietam milicyja paličyła publikacyju fatahrafii na staroncy ŭ «Adnakłaśnikach» z nacyjanalnym ściaham Biełarusi.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio11
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary